ന്യൂനപക്ഷങ്ങൾക്കെതിരായ പീഡനങ്ങൾ കൊണ്ട് നിറഞ്ഞതാണ് ചരിത്രമെന്ന് തമിഴ്നാട് മുഖ്യമന്ത്രി എംകെ സ്റ്റാലിൻ. ഇസ്ലാമോഫോബിയയെ ചെറുക്കാനുള്ള അന്താരാഷ്ട്ര ദിനത്തോടനുബന്ധിച്ച് ഇന്ത്യൻ ഭരണഘടന അനുശാസിക്കുന്ന ന്യൂനപക്ഷങ്ങളുടെ അവകാശങ്ങൾ സംരക്ഷിക്കേണ്ടതിന്റെ ആവശ്യകതയെക്കുറിച്ചുള്ള സന്ദേശം പങ്കിടവെയാണ് അദ്ദേഹം ഇക്കാര്യം പറഞ്ഞത്. ‘മനുഷ്യരാശിക്ക് കളങ്കമായി തുടരുന്ന ന്യൂനപക്ഷങ്ങളുടെ വിവേചനവും പീഡനവും കൊണ്ട് ചരിത്രത്തിൽ നിറഞ്ഞിരിക്കുന്നു. ഇസ്ലാമോഫോബിയയെ ചെറുക്കാനുള്ള അന്താരാഷ്ട്ര ദിനത്തിൽ, ന്യൂനപക്ഷങ്ങളുടെ വ്യവസ്ഥാപിത അടിച്ചമർത്തലിനെതിരെ പോരാടാനും ഭരണഘടനാ മൂല്യങ്ങൾക്ക് അനുസൃതമായി അവരുടെ അവകാശങ്ങൾ സംരക്ഷിക്കാനും നമുക്ക് പ്രതിജ്ഞാബദ്ധരാകാം’ -എന്നും അദ്ദേഹം ട്വീറ്റ് ചെയ്തു.
