International News

ഗാസയിൽ ആക്രമണം തുടർന്ന് ഇസ്രയേൽ. വടക്കൻ ​ഗാസയിലെ കമാൽ അ​ദ്വാൻ ​ഹോസ്പിറ്റലിനു നേരെ നടന്ന ആക്രമണത്തിൽ 29 പേർ കൊല്ലപ്പെട്ടു. കൊല്ലപ്പെട്ടവരിൽ നാല് മെഡിക്കൽ സ്റ്റാഫുകളും ഉണ്ടെന്ന് ആശുപത്രി വൃത്തങ്ങൾ അറിയിച്ചതായി മാധ്യമങ്ങൾ റിപ്പോർട്ട് ചെയ്തു.ഡ്രോൺ ആക്രമണത്തിനു ശേഷമാണ് സൈന്യം ആശുപത്രിയിലേക്ക് ഇരച്ചെത്തിയതെന്ന് ആശുപത്രി അധികൃതർ പറഞ്ഞു. ആക്രമണത്തിൽ നിരവധി പേർക്ക് പരിക്കേറ്റിട്ടുണ്ട്. ആശുപത്രിക്ക് സമീപമുള്ള കെട്ടിടങ്ങൾക്ക് ഇസ്രയേലി സൈന്യം ബോംബിടുകയും ചെയ്തു. മുമ്പും ആശുപത്രിക്ക് നേരെ ഇസ്രയേൽ ആക്രമണം അഴിച്ചുവിട്ടിരുന്നു.

മണിപ്പൂരില്‍ സ്ഥിതിഗതികള്‍ കൂടുതല്‍ വഷളായിക്കൊണ്ടിരിക്കെ ചര്‍ച്ചയ്ക്ക് കേന്ദ്ര ആഭ്യന്തര മന്ത്രി അമിത്ഷായുടെ നേതൃത്വത്തില്‍ ഇന്ന് ഉന്നതതലയോഗം ചേരും. നിലവിലുള്ള സ്ഥിതിഗതികള്‍ വിലയിരുത്തും. മണിപ്പൂരില്‍ അധികമായി ഏര്‍പ്പെടുത്തേണ്ട സുരക്ഷാക്രമീകരണങ്ങള്‍ യോഗം ചര്‍ച്ച ചെയ്യും. കൊലപാതകങ്ങള്‍ അടക്കമുള്ള കുറ്റകൃത്യങ്ങളുടെ അന്വേഷണം സിബിഐക്ക് വിടുന്ന കാര്യത്തിലും തീരുമാനമുണ്ടാകും.ജിരിബാമില്‍ നിന്ന് കാണാതായ ആറ് മെയ്‌തെയ് വിഭാഗക്കാരുടെ മൃതദേഹങ്ങള്‍ കണ്ടെത്തിയതോടെയാണ് സംഘര്‍ഷം രൂക്ഷമായത്. പ്രതിഷേധക്കാര്‍ രാഷ്ട്രീയ നേതാക്കളുടെ വസതികള്‍ ആക്രമിച്ചിരുന്നു. ഇതോടെ വെസ്റ്റ് ഇംഫാലില്‍ അനിശ്ചിത കാലത്തേക്ക് കര്‍ഫ്യൂ ഏര്‍പ്പെടുത്തി.

ബംഗ്ലാദേശികളെ ഉപയോഗിച്ച്‌ അൽ ഖ്വയ്ദ ഇന്ത്യയിൽ ഭീകരപ്രവർത്തനം നടത്താൻ ശ്രമിച്ച കേസിൽ ദേശീയ അന്വേഷണ ഏജൻസി (എൻഐഎ) വിവിധ സംസ്ഥാനങ്ങളിൽ തിങ്കളാഴ്ച  റെയ്ഡുകൾ നടത്തി.ജമ്മു കശ്മീർ, കർണാടക, ബംഗാൾ, ബിഹാർ, ത്രിപുര, അസം എന്നീ സംസ്ഥാനങ്ങളിലെ 9 ഇടങ്ങളിലാണ്‌ തിരച്ചിൽ നടത്തി. അൽ- ഖ്വയ്ദയുടെ പദ്ധതികളെ പിന്തുണയ്ക്കുകയും ധനസഹായം നൽകുകയും ചെയ്യുന്നതായി സംശയിക്കുന്ന ആളുകളെ കണ്ടെത്തി അറസ്റ്റ് ചെയ്യുക എന്ന ലക്ഷ്യത്തോടെയായിരുന്നു റെയ്‌ഡെന്ന്‌ എൻഐഎ ഉദ്യോഗസ്ഥർ പറഞ്ഞു.

വംശീയ സംഘര്‍ഷം തുടരുന്ന മണിപ്പൂരില്‍ സൈനികന് വെടിയേറ്റു. സായുധ കുക്കി വിഭാഗങ്ങളുമായുണ്ടായ ഏറ്റുമുട്ടലിലാണ് മഹര്‍ റജിമെന്റിലെ സൈനികന് വെടിയേറ്റത്. യുയോക് കുന്നില്‍ നിന്ന് വെടിയുതിര്‍ത്ത ശേഷം സായുധ കുക്കികള്‍ സൈനികര്‍ക്ക് നേരെ ബോംബുകളും വലിച്ചെറിഞ്ഞു. മെയ്‌തേയ് വിഭാഗങ്ങള്‍ കൂടുതലുള്ള പ്രദേശങ്ങളില്‍ കഴിഞ്ഞ ദിവസം ആക്രമണങ്ങള്‍ നടന്നെന്ന് മേയ്‌തേയ് സംഘടനകള്‍ ആരോപിച്ചു.

ജമ്മു കശ്മീരിലെ അതിർത്തി ജില്ലയായ അഖ്‌നൂരിലെ ബട്ടാൽ മേഖലയിൽ മൂന്ന് ഭീകരരെ സൈന്യം വധിച്ചു. അഖ്‌നൂർ സെക്ടറിൽ വെച്ച്‌  സൈനിക വാഹനത്തിന് നേരെയുണ്ടായ ആക്രമണത്തെ തുടർന്നുണ്ടായ ഏറ്റുമുട്ടലിലാണ് മൂന്ന് ഭീകരർ കൊല്ലപ്പെട്ടത്. രാവിലെ ഏഴ് മണിയോടെയാണ് അക്രമികൾ സൈനിക വാഹനത്തിന് നേരെ വെടിയുതിർത്തത്.അഖ്‌നൂർ സെക്ടറിൽ വെച്ച്‌ വാഹനത്തിനുനേരെ ഭീകരർ 15 റൗണ്ട്‌ വെടിയുതിർത്തതായയാണ് സൈന്യം അറിയിച്ചത്. കരസേനയുടെ ആംബുലൻസിന്‌ നേരെയാണ്‌  ആക്രമണം ഉണ്ടായത്‌. വെടിവെപ്പിനുശേഷം ഭീകരർ വനമേഖലയിലേയ്ക്ക്‌ കടന്നു. വനമേഖലയിലെ തിരച്ചിലിൽ ഭീകരരുടെ ഒളിത്താവളം സൈന്യം കണ്ടെത്തി. …

ജമ്മു കശ്മീരിലെ അതിർത്തി ജില്ലയായ അഖ്‌നൂരിലെ ബട്ടാൽ മേഖലയിൽ മൂന്ന് ഭീകരരെ സൈന്യം വധിച്ചു. Read More »

പ്രധാനമന്ത്രി നരേന്ദ്രമോദിയുടെ വിദ്യാഭ്യാസയോഗ്യതയുമായി ബന്ധപ്പെട്ട  എഎപി നേതാവ്‌ അരവിന്ദ്‌കെജ്‌രിവാളിന്റെ പരാമർശങ്ങൾക്ക്‌ എതിരെ ഗുജറാത്ത്‌ സർവ്വകലാശാലയുടെ അപകീർത്തികേസിലെ സമൻസ്‌ ശരിവെച്ച്‌ സുപ്രീംകോടതി. വിചാരണക്കോടതി തനിക്ക്‌ അയച്ച സമൻസ്‌ ചോദ്യംചെയ്‌ത്‌ കെജ്‌രിവാൾ നൽകിയ ഹർജി സുപ്രീംകോടതി തള്ളി.നേരത്തെ സമാനമായ ആവശ്യമുന്നയിച്ച്‌ എഎപി നേതാവ്‌ സഞ്‌ജയ്‌സിങ്ങ്‌ നൽകിയ ഹർജിയും സുപ്രീംകോടതി തള്ളിയിരുന്നു. ‘ഇതേ വിഷയത്തിലുള്ള ഒരു ഹർജി ഈ കോടതി നേരത്തെ തള്ളിയതാണ്‌. അതുകൊണ്ട്‌, ഈ ഹർജിയിലും ഇടപെടാൻ കഴിയില്ല’–- ജസ്‌റ്റിസ്‌ ഹൃഷികേശ്‌ റോയ്‌ അധ്യക്ഷനായ ബെഞ്ച്‌ അറിയിച്ചു.