യു.ഡി.എഫ് സര്ക്കാരിന്റെ കാലത്തെ ദീര്ഘകാല വൈദ്യുതി കരാര് റദാക്കിയതിന് പിന്നില് സര്ക്കാരും റെഗുലേറ്ററി കമ്മീഷനും നടത്തിയ ഗൂഡാലോചനയും അഴിമതിയുമുണ്ടെന്ന് പ്രതിപക്ഷ നേതാവ് വി.ഡി സതീശന്. പാര്ട്ടി നോമിനികളെ തിരുകിക്കയറ്റി റഗുലേറ്ററി കമ്മീഷനെ സര്ക്കാര് സ്പോണ്സര്ഡ് സ്ഥാപനമാക്കി മാറ്റിയിരിക്കുകയാണ്. അവരാണ് അഴിമതി നടത്താന് സര്ക്കാരിന് ഒത്താശ ചെയ്തത്. വൈദ്യുതി മന്ത്രിയെ ഇരുട്ടില് നിര്ത്തി മുഖ്യമന്ത്രിയുടെ അറിവോടെയാണ് അഴിമതിയെന്നും സംശയിക്കേണ്ടിരിക്കുന്നു അദ്ദേഹം പറഞ്ഞു.
യു.ഡി.എഫ് സര്ക്കാരിന്റെ കാലത്തെ കരാര് റദ്ദാക്കി അഞ്ച് മാസത്തിനു ശേഷം അത് പുനഃസ്ഥാപിക്കാന് മന്ത്രിസഭ തീരുമാനിച്ചത് ജനങ്ങളുടെ കണ്ണില് പൊടിയിടലാണ്. കരാര് റദാക്കിയതിലും അതിനുശേഷം നടന്ന ഇടപാടുകളിലും സര്ക്കാരിനുള്ള പങ്ക് അന്വേഷിക്കണം. കരാര് റദാക്കിയതിനെ തുടര്ന്ന് കെ.എസ്.ഇ.ബിക്കുണ്ടായ ബാധ്യത സര് ചാര്ജായി ജനങ്ങളില് അടിച്ചേല്പ്പിക്കാനുള്ള നീക്കമാണ് നടക്കുന്നത്. ഇതിനെ എന്ത് വിലകൊടുത്തും ചെറുക്കും.
