മതവിദ്വേഷ പ്രസംഗം നടത്തിയ കേസില് പി സി ജോര്ജിന്റെ ജാമ്യം റദ്ദാക്കf. തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയാണ് വിധി പ്രഖ്യാപിച്ചത്. ജാമ്യവ്യവസ്ഥകള് ലംഘിച്ചെന്ന പ്രോസിക്യൂഷന് വാദം കോടതി അംഗീകരിക്കുകയായിരുന്നു.അന്വേഷണത്തിന്റെ ഭാഗമായി ഫോര്ട്ട് അസിസ്റ്റന്റ് കമ്മിഷണര്ക്ക് പി സി ജോര്ജിനെ അറസ്റ്റ് ചെയ്യാമെന്നും കോടതി വ്യക്തമാക്കി. വെണ്ണലയില് മതവിദ്വേഷ പ്രസംഗം നടത്തിയെന്ന കേസില് ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ടുള്ള പാലാരിവട്ടം പോലിസിന്റെ നോട്ടിസ് പി സി ജോര്ജ് ഇന്ന് കൈപ്പറ്റിയിരുന്നു. ഇന്ന് തന്നെ പാലാരിവട്ടം പോലിസ് സ്റ്റേഷനില് ഹാജരാകുമെന്നാണ് സൂചന.
