നടന്നത് ചാവേര് ആക്രമണമാണെന്നാണ് നിഗമനം. ഭീകരാക്രമണം തന്നെയാണെന്ന് ഉറപ്പിക്കുകയാണ് അന്വേഷണ സംഘം. സംഭവത്തിൽ ഡല്ഹി പൊലീസ് യുഎപിഎ ചുമത്തി കേസെടുത്തിട്ടുണ്ട്. കാറിലുണ്ടായിരുന്ന മൂന്ന് പേരും ചാവേറുകളാണെന്നാണ് നിഗമനം.സ്ഫോടനത്തല് ജെയ്ഷെ ഭീകരന് ഉമര് മുഹമ്മദിന്റെ ബന്ധം പരിശോധിക്കുന്നുണ്ട്. ഹരിയാനയില് നിന്ന് ഹ്യുണ്ടായ് ഐ20 കാര് വാങ്ങിയ പുല്വാമ സ്വദേശിയായ താരിഖിനായി തെരച്ചില് നടക്കുകയാണ്. ആഴ്ചകള്ക്ക് മുമ്പാണ് ഇയാള് കാര് വാങ്ങിയത്. കാര് ഡല്ഹിയില് പലയിടങ്ങളിലും ചുറ്റിക്കറങ്ങിയിരുന്നു. സ്ഫോടക വസ്തു നിറച്ച് യാത്ര ചെയ്തെന്നാണ് നിഗമനം. മൂന്ന് മണിക്കൂര് കാര് ചെങ്കോട്ടക്ക് സമീപം പാര്ക്ക് ചെയ്തു. സുനേരി മസ്ജിദ്, ദരിയാഗഞ്ച് എന്നിവിടങ്ങളിലും കാറെത്തി. സിസിടിവി കേന്ദ്രീകരിച്ച് ആന്വേഷണം ഊര്ജിതമാക്കിയിട്ടുണ്ട്.ചെങ്കോട്ടയ്ക്ക് സമീപമുണ്ടായ സ്ഫോടനത്തിൽ ദൃക്സാക്ഷികളുടെ പ്രതികരണം പുറത്ത്. സ്ഫോടനമുണ്ടായതിന് പിന്നാലെ റോഡിൽ ശരീരാവശിഷ്ടങ്ങൾ കണ്ടുവെന്ന് ദൃക്സാക്ഷികൾ പറഞ്ഞതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു. ശരീരഭാഗങ്ങൾ ദൂരത്തേക്ക് തെറിച്ചുപോയെന്നും ഇവർ പറയുന്നുണ്ട്. സ്ഫോടനം കാരണം അടുത്ത വാഹനങ്ങള്ക്കും നാശനഷ്ടമുണ്ടായി. സ്ഫോടനത്തില് കുറച്ച് പേര് മരിക്കുകയും ചിലര്ക്ക് പരിക്കേല്ക്കുകയും ചെയ്തു. സാഹചര്യം വിലയിരുത്തുകയാണ്. ആഭ്യന്തര മന്ത്രി വിളിച്ചിട്ടുണ്ട്. അതാത് സമയങ്ങളില് അദ്ദേഹത്തെ വിളിച്ച് വിവരമറിയിക്കുന്നുണ്ട്’, സതീഷ് ഗോല്ച പറഞ്ഞു.
