pathanamthitta news

ട്രാൻസ്‌മാൻ പ്രവീൺ നാഥിന്റെ മരണത്തിൽ പങ്കാളിയായിരുന്ന റിഷാനയ്ക്കെതിരെ ഗുരുതരമായ വെളിപ്പെടുത്തലുമായി സഹയാത്രിക കൂട്ടായ്മ.റിഷാനയില്‍നിന്നും പലതവണ മാനസികവും ശാരീരികവുമായ പീഢനങ്ങൾ പ്രവീണിനു നേരിടേണ്ടി വന്നിട്ടുണ്ടെന്നും അതിൽ മാനസികമായി വിഷമത്തിലായിരുന്നുവെന്നും സഹയാത്രിക സമൂഹമാധ്യമത്തിൽ പങ്കുവെച്ച പ്രസ്താവനയില്‍ വ്യക്തമാക്കി.വിവാഹത്തിനു ശേഷം പ്രവീൺ മാനസിക സംഘർഷത്തിലൂടെയാണ് കടന്നുപോയതെന്നും അനുഭവിച്ച പീഡനങ്ങളെക്കുറിച്ച് സഹയാത്രികയിൽവെച്ച് ഞങ്ങളോട് തുറന്ന് പറഞ്ഞിരുന്നുവെന്നും പ്രസ്താവനയിൽ പറയുന്നു.

കര്‍ണാടകത്തില്‍ എംഎല്‍എമാരുടെ നിര്‍ണായക യോ​ഗം ഇന്ന് നടക്കും. കോൺ​ഗ്രസ് വിജയിച്ചുവെങ്കിലും മുഖ്യമന്ത്രി ആരാണെന്ന കാര്യത്തില്‍ അവ്യക്തത നിലനില്‍ക്കുന്നുണ്ട്. സിദ്ധരാമയ്യയുടെയും ഡി കെ ശിവകുമാറിന്റെയും പേരുകള്‍ മുഖ്യമന്ത്രി സ്ഥാനത്തേക്ക് ഉയര്‍ന്നുവരുന്നുണ്ട്. ഇത് സംബന്ധിച്ച തീരുമാനങ്ങള്‍ എടുക്കാനാണ് ഇന്ന് യോ​ഗം ചേരുന്നത്. സിദ്ധരാമയ്യയ്‌ക്കാണ് കൂടുതല്‍ സാധ്യത കല്‍പ്പിക്കപ്പെടുന്നത്. എങ്കിലും തെരഞ്ഞെടുപ്പ് പ്രചരണത്തിലുള്‍പ്പെടെ മുന്നിട്ടു നില്‍ക്കുകയും വമ്പിച്ച ഭൂരിപക്ഷത്തില്‍ ജയിക്കുകയും ചെയ്‌ത ഡി കെ ശിവകുമാറിനു വേണ്ടിയും നേതാക്കള്‍ രം​ഗത്തുണ്ട്..

രാത്രികാല പട്രോളിങില്‍ ചീട്ടുകളി സംഘത്തെ പിടികൂടാനുള്ള ശ്രമത്തിനിടെ എസ്‌ഐ കെട്ടിടത്തില്‍നിന്ന് വീണു മരിച്ചു. കോട്ടയം രാമപുരം സ്‌റ്റേഷനിലെ എസ്‌ഐ ജോബി ജോര്‍ജാണ് മരിച്ചത്. കെട്ടിടത്തില്‍നിന്നു വീണ് പരിക്കേറ്റ എസ്‌ഐയെ പാലായിലെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഡ്യൂട്ടിക്കിടെ രാത്രി പട്രോളിങിനു പോയപ്പോള്‍ ചീട്ടുകളി സംഘത്തെ പിടിക്കാനുള്ള ശ്രമത്തിനിടെയാണ് എസ്‌ഐ കെട്ടിടത്തില്‍നിന്ന് വീണത്.

പാലപ്പുഴ ആര്‍എസ്എസ് കേന്ദ്രത്തില്‍ നിന്ന് പിടികൂടിയ ആയുധ ശേഖരത്തെ കുറിച്ച് സമഗ്രാന്വേഷണം നടത്തണമെന്ന് എസ് ഡിപിഐ മുഴക്കുന്ന് പഞ്ചായത്ത് പ്രസിഡന്റ് എ പി മുഹമ്മദ്. ഇന്നലെ വൈകീട്ടാണ് ആര്‍എസ്എസ് സ്ഥിരമായി ശാഖ നടത്താറുളള പാലപ്പുഴ പ്രദേശത്ത് നിന്ന് ആയുധ ശേഖരം പിടികൂടിയത്. കഴിഞ്ഞ മാസമാണ് തൊട്ടടുത്ത പ്രദേശമായ ആയിച്ചോത്ത് നിന്ന് ആര്‍എസ്എസ് ക്രിമിനല്‍ സന്തോഷിന്റെ വീട്ടില്‍ നിന്ന് ബോംബ് നിര്‍മ്മാണത്തിനിടെ സ്‌ഫോടനം നടന്നത്. ആര്‍എസ്എസ് കേന്ദ്രത്തിലെ ബോംബ് നിര്‍മ്മാണവും ആയുധ ശേഖരവും തുടര്‍ക്കഥയായിട്ടും പോലിസ് നിസ്സംഗത പാലിക്കുകയാണെന്ന് …

പാലപ്പുഴ ആര്‍എസ്എസ് കേന്ദ്രത്തിലെ ആയുധ ശേഖരം; സമഗ്രാന്വേഷണം… Read More »

നിയമസഭാ തിരഞ്ഞെടുപ്പില്‍ ബിജെപിയില്‍ സീറ്റ് നിഷേധിച്ചതിനെ തുടര്‍ന്ന് പാര്‍ട്ടി വിട്ട് കോണ്‍ഗ്രസിലെത്തിയ ജഗദീഷ് ഷെട്ടാറിനും തോല്‍വി. ബിജെപിയുടെ മുന്‍ മുഖ്യമന്ത്രിയായിരുന്ന ജഗദീഷ് ഷെട്ടാര്‍ ആണ് തോല്‍വിയറിഞ്ഞത്. ബിജെപിയില്‍ നിന്ന് ഷെട്ടാറിനെ പാളയത്തിലെത്തിക്കുമ്പോള്‍ കോണ്‍ഗ്രസ് വലിയ പ്രതീക്ഷ പ്രകടിപ്പിച്ചിരുന്നു. ഹുബ്ബള്ളി ധാര്‍വാഡ് സെന്‍ട്രല്‍ മണ്ഡലത്തില്‍ സ്ഥാനാര്‍ത്ഥിയെ പ്രഖ്യാപിക്കാതെ ഷെട്ടാറിന്റെ സമ്മതം ലഭിച്ച ശേഷമാണ് കോണ്‍ഗ്രസ് സ്ഥാനാര്‍ഥിയെ നിശ്ചയിച്ചത്. പ്രായാധിക്യത്തിന്റെ പേരുപറഞ്ഞാണ് ബിജെപി ടിക്കറ്റ് നിഷേധിച്ചത്. തുടര്‍ന്ന് വിമത സ്വരവുമായി രംഗത്തെത്തുകയും കേന്ദ്രനേതാക്കളുമായി ചര്‍ച്ച നടത്തുകയും ചെയ്‌തെങ്കിലും നേതൃത്വം കൈയൊഴിഞ്ഞു. …

സീറ്റ് നിഷേധം; ബിജെപി വിട്ട് കോണ്‍ഗ്രസിലെത്തിയ ജഗദീഷ് ഷെട്ടാറിനും തോല്‍വി… Read More »

കേന്ദ്ര തെരഞ്ഞെടുപ്പ് കമ്മിഷൻ പുറത്തുവിട്ട രേഖകൾ പ്രകാരം കോൺ​ഗ്രസ് കേവല ഭൂരിപക്ഷം പിന്നിട്ടു. കമ്മിഷന്റെ ഏറ്റവും പുതിയ കണക്കു പ്രകാരം കോൺ​ഗ്രസ് 133 സീറ്റുകളിൽ വിജയം ഉറപ്പിച്ചു. ബിജെപിക്ക് 65ഉം, ജെഡിഎസിന് 22 ഉും മറ്റുള്ളവർക്ക് 4 ഉും സീറ്റുകൾ ലഭിച്ചു.വിജയിച്ച മുഴുവൻ പേരെയും ബെം​ഗളൂരുവിലെത്തിക്കും. നാളെത്തന്നെ നിയമസഭാ കക്ഷി യോ​ഗം കൂടി മന്ത്രിസഭാ രൂപീകരണത്തിനുള്ള നീക്കങ്ങൾ നടക്കും. പുതിയ നേതാവിനെ നാളെ തെരഞ്ഞെടുക്കും.

 ഡോക്ടർ വന്ദന ദാസ് കൊല്ലപ്പെട്ട സംഭവത്തിൽ ഹൈക്കോടതിയുടെ പ്രത്യേക സിറ്റിം​ഗ് ഇന്ന് രാവിലെ പത്തിന് നടക്കും. ഡോക്ടർ വന്ദന ദാസ് കൊല്ലപ്പെട്ട സംഭവത്തിൽ പൊലീസിനെതിരെ രൂക്ഷ വിമർശനവുമായി ഹൈക്കോടതി ഇന്നലെ രം​ഗത്തെത്തിയിരുന്നു. സംഭവം ഏറെ ദുഖകരമാണെന്ന് പറഞ്ഞ കോടതി, പൊലീസിന്റെ കൈയ്യിൽ തോക്കുണ്ടായിരുന്നില്ലേയെന്നും എന്തിനാണ് പൊലീസിന് തോക്കെന്നും ചോദിച്ചു.ജനങ്ങളുടെ പ്രാഥമിക സുരക്ഷാ ചുമതല പൊലീസിനല്ലേയെന്നും കോടതി ചോദിച്ചു.സംസ്ഥാന പൊലീസ് മേധാവി അനിൽകാന്തിനോട് നാളെ ഓൺലൈനായി കോടതിയിൽ ഹാജരാകാൻ ഹൈക്കോടതി ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് ഡിജിപി ഇന്ന് ഹാജരാവുന്നത്.

കൊട്ടാരക്കര താലൂക്ക് ആശുപത്രിയില്‍ ഡ്യൂട്ടിക്കിടെ കുത്തേറ്റ് മരിച്ച ഡോക്ടര്‍ വന്ദനാ ദാസിന്റെ സംസ്‌കാര ചടങ്ങുകള്‍ ഉച്ചയ്ക്ക് രണ്ടു മണിക്ക് വീട്ടുവളപ്പില്‍ നടക്കും. രാത്രി എട്ട് മണിയോടെ മുട്ടുചിറ പട്ടാളമുക്കിലെ വീട്ടിലേക്ക് എത്തിച്ച മൃതദേഹത്തില്‍ അന്ത്യാഞ്ജലി അര്‍പ്പിക്കാന്‍ ആയിരങ്ങളെത്തി. കൊല്ലത്ത് ഡോ. വന്ദന ദാസ് പഠിച്ച അസീസിയ മെഡിക്കല്‍ കോളജില്‍ പൊതുദര്‍ശനത്തിനു വച്ച ശേഷമാണ് മൃതദേഹം മുട്ടുചിറയിലെ വീട്ടിലേക്ക് എത്തിച്ചത്. രാത്രി 8.05ന് പട്ടാളമുക്കിനു സമീപത്തെ വീട്ടില്‍ മൃതദേഹം എത്തിക്കുമ്പോള്‍ നാടൊന്നാകെ കാത്തുനിന്നിരുന്നു. വീടിനു മുന്നില്‍ പ്രത്യേകം തയ്യാറാക്കിയ …

ഡോ. വന്ദനയുടെ സംസ്‌കാരം ഇന്ന് രണ്ടിന് മുട്ടുചിറയിലെ വീട്ടുവളപ്പില്‍… Read More »

താനൂർ ബോട്ട് ദുരന്തത്തിൽ അപകടമുണ്ടാക്കിയ വിനോദസഞ്ചാര ബോട്ടിന്‍റെ ഉടമ നാസർ അറസ്റ്റിൽ. താനൂർ സ്വദേശിയായ നാസറിനെ കോഴികോട് നിന്നാണ് പൊലീസ് അറസ്റ്റ് ചെയ്തത്. നരഹത്യ കുറ്റം ചുമത്തി ഇയാള്‍ക്കെതിരെ പൊലീസ് കേസെടുത്തിട്ടുണ്ട്. നാസറിന്‍റെ വാഹനം കൊച്ചിയിൽ പിടികൂടുകയും ചെയ്തിരുന്നു.കേരളത്തെ നടുക്കിയ താനൂർ ബോട്ടപകടത്തിൽ 22 പേരാണ് മരിച്ചത്. മരിച്ചവരിൽ 15 പേരും കുട്ടികളാണ്. അഞ്ച് സ്ത്രീകളും രണ്ട് പുരുഷന്മാർക്കും ദുരന്തത്തിൽ ജീവൻ നഷ്ടമായി…

കണ്ണൂര്‍ നെടുംപൊയില്‍ ചുരത്തില്‍ ലോറി ഡ്രൈവര്‍ ക്ലീനറെ തലയ്ക്കടിച്ച് കൊലപ്പെടുത്തി. കൊല്ലം പത്തനാപുരം സ്വദേശി സിദ്ദിഖാണ് (28) കൊല്ലപ്പെട്ടത്. ഡ്രൈവര്‍ പത്തനാപുരം സ്വദേശി നിഷാദ് കണ്ണവം പൊലീസില്‍ കീഴടങ്ങി.ഇന്ന് പുലര്‍ച്ചെയോടെ മാനന്തവാടി ചുരത്തില്‍വച്ചാണ് സംഭവമുണ്ടായത്. ഡ്രൈവറും ക്ലീനറും തമ്മിലുണ്ടായ വാക്കേറ്റത്തെ തുടര്‍ന്ന് ജാക്കി ലിവര്‍ ഉപയോഗിച്ച് നിഷാദ് സിദ്ദിഖിനെ തലയ്ക്കടിച്ച് കൊലപ്പെടുത്തുകയായിരുന്നു.