ശക്തമായ പ്രതിഷേധം തുടരുന്നതിനിടെ അഗ്നിപഥ് പദ്ധതി വഴിയുള്ള റിക്രൂട്ട്മെന്റുമായി മുന്നോട്ടു പോകാന് സായുധ സേനകള്ക്ക് കേന്ദ്ര സര്ക്കാര് നിര്ദ്ദേശം നല്കി. പ്രതിരോധമന്ത്രി രാജ്നാഥ് സിംഗ് യോഗം വിളിച്ച് സ്ഥിതി വിലയിരുത്തി. വ്യോമസേന നടപടികള് ഇന്ന് തന്നെ തുടങ്ങുമെന്ന് അറിയിച്ചിട്ടുണ്ട്. കരസേന തിങ്കളാഴ്ച നടപടികള് ആരംഭിക്കും. റിക്രൂട്ട് ചെയ്യുന്നവരുടെ സംഖ്യ ഉയര്ത്തുന്നത് ആലോചിക്കും. അതിനിടെ റിക്രൂട്ട്മെന്റ് പ്രതീക്ഷിച്ചിരുന്ന ഉദ്യോഗാര്ത്ഥി ഒഡീഷയില് ആത്മഹത്യ ചെയ്തു. പദ്ധതിയുമായി ബന്ധപ്പെട്ട് പ്രതിഷേധം തുടരുകയാണ്. ബീഹാറില് ഇതുവരെ 507 പേര് അറസ്റ്റിലായെന്ന് പോലിസ് പറഞ്ഞു. ഏഴുപതിലേറെ കേസുകള് രജിസ്റ്റര് ചെയ്തിട്ടുണ്ട്. പാറ്റ്ന ഉള്പ്പെടെ റെയില്വേ സ്റ്റേഷനുകള്ക്ക് സുരക്ഷ കൂട്ടി. ബിഹാറിലെ ലഖിസാരായില് പ്രതിഷേധക്കാര് തീയിട്ട ട്രെയിനില് യാത്ര ചെയ്യുകയായിരുന്ന യാത്രക്കാരന് മരിച്ചു. പുക ശ്വസിച്ച് കുഴഞ്ഞു വീണ ഇയാള് ചികിത്സയിലായിരുന്നു. വലിയ പ്രതിഷേധങ്ങള് മുന്നില് കണ്ട് കൂടുതല് പോലിസുകാരെ സജ്ജമാക്കാന് സംസ്ഥാനങ്ങള്ക്ക് കേന്ദ്രം നിര്ദേശം നല്കി.
