അതിജീവിതയ്ക്ക് നീതി ഉറപ്പാക്കാനാവശ്യമായ എല്ലാ നടപടികളും സര്ക്കാര് കൈക്കൊള്ളുമെന്ന് മുഖ്യമന്ത്രി പിണറായി വിജയന് പറഞ്ഞു. സെക്രട്ടേറിയറ്റിലെ ചേംബറില് രാവിലെ 10 മണിക്ക് അതിജീവിതയുമായി നടന്ന കൂടിക്കാഴ്ചയിലാണ് മുഖ്യമന്ത്രി ഇക്കാര്യം പറഞ്ഞത്. കൂടിക്കാഴ്ച പതിനഞ്ച് മിനിറ്റോളം നീണ്ടു.കേസിനെ സംബന്ധിക്കുന്ന ചില ആശങ്കകള് അതിജീവിത മുഖ്യമന്ത്രിയെ അറിയിച്ചു. കേസില് തുടക്കം മുതല് സര്ക്കാര് ചെയ്ത കാര്യങ്ങള് മുഖ്യമന്ത്രി വിശദീകരിച്ചു. എന്നും അതിജീവിതയ്ക്കൊപ്പമാണ് സര്ക്കാര് നിലകൊണ്ടത്. ആ നില തന്നെ തുടര്ന്നും ഉണ്ടാകും. ഇത്തരം കേസുകളില് എതിര്പക്ഷത്ത് എത്ര ഉന്നതനായാലും നടപടി ഉണ്ടാകും.
