ചരിത്രം കുറിച്ച് എറണാകുളം ജനറല് ആശുപത്രി: ഹൃദയം മാറ്റിവയ്ക്കല് ശസ്ത്രക്രിയ നടത്തുന്ന രാജ്യത്തെ ആദ്യ ജില്ലാതല ആശുപത്രിഅനാഥയായ നേപ്പാള് സ്വദേശിനിക്ക് കരുതലായി കേരളംഷിബുവിന്റെ 7 അവയവങ്ങള് ദാനം ചെയ്തു.
രാജ്യത്ത് ആദ്യമായി ഒരു ജില്ലാതല ആശുപത്രിയില് ഹൃദയം മാറ്റിവയ്ക്കല് ശസ്ത്രക്രിയ നടത്താനൊരുങ്ങി എറണാകുളം ജനറല് ആശുപത്രി. നേപ്പാള് സ്വദേശിനി ഇരുപത്തിരണ്ടുകാരിയായ യുവതിയ്ക്കാണ് തിരുവനന്തപുരത്ത് മസ്തിഷ്ക മരണം സംഭവിച്ച കൊല്ലം ചിറയ്ക്കര ഇടവട്ടം സ്വദേശി എസ്. ഷിബുവിന്റെ (46 വയസ്) ഹൃദയം മാറ്റിവയ്ക്കുന്നത്. വാഹനാപകടത്തില് മസ്തിഷ്കമരണം സംഭവിച്ച ഷിബുവിന്റെ 7 അവയങ്ങളാണ് ദാനം ചെയ്തത്. ഒരു വൃക്ക തിരുവനന്തപുരം സര്ക്കാര് മെഡിക്കല് കോളേജിലേക്കയും ഒരു വൃക്ക കൊല്ലം ട്രാവന്കൂര് മെഡിക്കല് കോളേജിലേയും കരള് തിരുവനന്തപുരം കിംസ് ആശുപത്രിയിലേയും രണ്ട് നേത്രപടലങ്ങള് റീജിയണല് ഇന്സ്റ്റിറ്റ്യൂട്ട് ഓഫ് ഒഫ്ത്താല്മോളജിയിലേയും രോഗികള്ക്കാണ് നല്കിയത്. ഇതുകൂടാതെ തിരുവനന്തപുരം സര്ക്കാര് മെഡിക്കല് കോളേജില് സ്ഥാപിച്ച സ്കിന് ബാങ്കിലേക്ക് ഷിബുവിന്റെ ചര്മ്മവും നല്കി.തീവ്രദു:ഖത്തിലും അവയവദാനത്തിന് സന്നദ്ധമായ കുടുംബത്തിന് ആരോഗ്യ വകുപ്പ് മന്ത്രി വീണാ ജോര്ജ് നന്ദി അറിയിക്കുകയും ദു:ഖത്തില് പങ്കുചേരുകയും ചെയ്തു. എറണാകുളം ജനറല് ആശുപത്രിയ്ക്ക് എല്ലാവിധ പിന്തുണയും അറിയിച്ചു.
എറണാകുളം ജനറല് ആശുപത്രിയില് ഹൃദയം മാറ്റിവയ്ക്കല് ശസ്ത്രക്രിയ നടത്താനായി മന്ത്രി വീണാ ജോര്ജിന്റെ നിര്ദേശ പ്രകാരം വിപുലമായ സൗകര്യങ്ങളാണ് ഒരുക്കിയത്. രാജ്യത്ത് ആദ്യമായി ജില്ലാതല ആശുപത്രിയില് ഹൃദയം തുറക്കാതെ വാല്വ് മാറ്റിവയ്ക്കല് ശസ്ത്രക്രിയയും വൃക്ക മാറ്റിവയ്ക്കല് ശസ്ത്രക്രിയയും ഈ കാലയളവില്ഇവിടെ സാധ്യമാക്കി. ഇതിന് പിന്നാലെയാണ് ഹൃദയം മാറ്റിവയ്ക്കല് ശസ്ത്രക്രിയ ആരംഭിക്കുന്നത്.അനാഥയായ നേപ്പാള് സ്വദേശിനിയ്ക്കാണ് കോടതിയുടെ പ്രത്യേക അനുമതിയോടെ കേരളം കരുതലൊരുക്കിയത്. ഇപ്പോള് ഒരു അനുജന് മാത്രമാണ് ജീവിച്ചിരിക്കുന്നത്. പാരമ്പര്യമായ ഹൃദ്രോഗം കാരണം അമ്മയും മൂത്ത സഹോദരിയും മരണമടഞ്ഞിരുന്നു. ഈ പെണ്കുട്ടിയ്ക്കും ഇതേ അസുഖമായിരുന്നു. നോക്കാന് ആരുമില്ലാത്തതിനാല് അനാഥാലയത്തിലായിരുന്നു ഈ പെണ്കുട്ടിയും സഹോദരനും കഴിഞ്ഞിരുന്നത്. വന് ചികിത്സാ ചെലവ് കാരണമാണ് അവര് കേരളത്തിലെത്തിയത്. അനാഥാലയം നടത്തിപ്പുകാരനായ മലയാളിയാണ് ചികിത്സയ്ക്കായി കേരളത്തിലെത്തിച്ചത്.
