ഇസ്രയേല് അധിനിവേശം നടക്കുന്ന പലസ്തീനിലെ ഗാസയില് കഴിഞ്ഞ മൂന്ന് ദിവസത്തിനുള്ളില് പട്ടിണി കിടന്ന് മരിച്ചത് 21 കുഞ്ഞുങ്ങള്. പോഷകാഹാര കുറവും പട്ടിണിയും മൂലമാണ് കുട്ടികള് മരിച്ചതെന്ന് ഗാസ സിറ്റിയിലെ അല് ഷിഫ ആശുപത്രി മേധാവി മുഹമ്മദ് അബു സാല്മിയ പറഞ്ഞു. നഗരത്തിലെ മൂന്ന് ആശുപത്രികളാണ് ഈ മരണങ്ങള് റിപ്പോര്ട്ട് ചെയ്തിരിക്കുന്നത്. കഴിഞ്ഞ ദിവസം മാത്രം ആറാഴ്ച പ്രായമുള്ള കുഞ്ഞുള്പ്പെടെയാണ് മരിച്ചത്.
