‘ഗ്രീൻ ചാമ്പ്സ്: ഇങ്ക് ഷിഫ്റ്റ് പദ്ധതി‘ പദ്ധതി ഉദ്ഘാടനം…

തിരുവനന്തപുരം ജില്ലാ ഭരണകൂടം നടപ്പിലാക്കുന്ന ‘ഗ്രീൻ ചാമ്പ്സ്: ഇങ്ക് ഷിഫ്റ്റ് പദ്ധതി‘ പദ്ധതി ഉദ്ഘാടനം തൈക്കാട് മോഡൽ ബോയ്സ് ഹൈസ്കൂളിൽ ജില്ലാ കളക്ടർ അനു കുമാരി നിർവ്വഹിച്ചു.

പരിസ്ഥിതി സൗഹൃദ വിദ്യാലയ സംസ്കാരം വികസിപ്പിക്കുന്നതിന്റെ ഭാഗമായി തിരുവനന്തപുരം ജില്ലാ ഭരണകൂടം നടപ്പിലാക്കുന്ന ‘ഗ്രീൻ ചാമ്പ്സ്: ഇങ്ക് ഷിഫ്റ്റ് പദ്ധതി‘ (Greenchamps: Ink Shift) പദ്ധതി ജില്ലയിലെ വിദ്യാലയങ്ങളിൽ ആരംഭിച്ചു. പദ്ധതിയുടെ ഔപചാരിക ഉദ്ഘാടനം തൈക്കാട് മോഡൽ ബോയ്സ് ഹൈസ്കൂളിൽ നടന്ന ചടങ്ങിൽ ജില്ലാ കളക്ടർ അനു കുമാരി നിർവ്വഹിച്ചു.മാലിന്യം ശരിയായി വേർതിരിക്കുന്നതാണ് മാലിന്യ സംസ്ക്കരണത്തിന്റെ ആദ്യപടിയെന്നും ഇതിന്റെ പ്രാധാന്യത്തെക്കുറിച്ച് ആരും ബോധവാന്മാരല്ലെന്നും ജില്ലാ കളക്ടർ പറഞ്ഞു. മാലിന്യത്തെ വളമായും മറ്റ് വസ്തുക്കളായും പുനരുപയോ​ഗിക്കാൻ കഴിയണം. ഒറ്റത്തവണ പ്ലാസ്റ്റിക്കിന്റെ ഉപയോ​ഗം പരമാവധി കുറയ്ക്കുകയും പ്രകൃതിയുടെ പുനരുജ്ജീവനത്തിനായി ലളിത ജീവിതം നയിക്കാൻ ഓരോരുത്തരും തയ്യാറാവുകയും വേണം. ഇതിലൂടെ ഒരു ​ഗ്രീൻ ചാമ്പ്യനെ വളർത്തിയെടുക്കുക എന്നതാണ് പദ്ധതിയുടെ ലക്ഷ്യമെന്നും കളക്ടർ കൂട്ടിച്ചേർത്തു.

പദ്ധതിയുടെ ഭാഗമായി, അഞ്ച് മുതൽ ഒൻപതാം ക്ലാസ്സ്‌ വരെയുള്ള വിദ്യാർത്ഥികൾക്ക് ഫൗണ്ടൻ പേനകളും മഷിക്കുപ്പികളും വിതരണം ചെയ്തു. സ്‌കൂളിൽ മഷി ഡിസ്‌പെൻസർ സ്ഥാപിച്ചു. മാലിന്യസംസ്ക്കരണത്തെക്കുറിച്ച് ശുചിത്വമിഷൻ തയ്യാറാക്കിയ പ്രത്യേക വീഡിയോ പ്രദർശിപ്പിച്ചു. കുട്ടികൾക്കായി ബോധവത്ക്കരണ ക്ലാസ്സും നടത്തി.വിദ്യാർത്ഥികൾ ഉപയോഗിക്കുന്ന പ്ലാസ്റ്റിക് റീഫിൽ പേനകളുടെ ഉപയോഗം കുറയ്ക്കുന്നതിനും പുന:രുപയോഗിക്കാൻ കഴിയുന്ന ഫൗണ്ടൻ പേനകളെ പ്രോത്സാഹിപ്പിക്കുന്നതിനും വേണ്ടിയാണ് പദ്ധതി രൂപീകരിച്ചിരിക്കുന്നത്.ഡിഡിഇ ശ്രീജ ​ഗോപിനാഥ് ചങ്ങിൽ അധ്യക്ഷത വഹിച്ചു. അസിസ്റ്റന്റ് കളക്ടർ ശിവശക്തിവേൽ, സ്കൂൾ പ്രിൻസിപ്പൽ പ്രമോദ് കെ.വി, ശുചിത്വമിഷൻ പ്രതിനിധികൾ തുടങ്ങിയവർ പങ്കെടുത്തു.

അയിങ്കാമം ഗവൺമെന്റ് എൽ പി എസ് ബഹുനില മന്ദിരത്തിന്റെ ഉദ്ഘാടനം എം.എൽ.എ സി.കെ. ഹരീന്ദ്രൻ നിർവ്വഹിച്ചു…

കേരള നിയമസഭയിലെ ജി. കാര്‍ത്തികേയന്‍ മ്യൂസിയത്തില്‍ സജ്ജീകരിക്കുന്ന, ഇ.എം.എസ്. സ്മൃതിയുടെ നിര്‍മ്മാണ പ്രവര്‍ത്തനത്തിന്റെ ഉദ്ഘാടനം, 2025 ആഗസ്റ്റ് 01-ാം തീയതി (വെള്ളിയാഴ്ച) രാവിലെ 10.30ന്, (ജി. കാര്‍ത്തികേയന്‍ മ്യൂസിയത്തിലെ രണ്ടാം നിലയിലുള്ള മിനി തീയേറ്റര്‍ ഹാളില്‍) ബഹു. സ്പീക്കര്‍ എ.എന്‍. ഷംസീര്‍ നിര്‍വ്വഹിക്കുന്നതാണ്.

കൊല്ലം തേവലക്കര ബോയ്സ് ഹൈസ്കൂളിൽ വൈദ്യുതാഘാതമെറ്റ് മരണപ്പെട്ട എട്ടാം ക്ലാസ് വിദ്യാർത്ഥി മിഥുന്റെ വീട് വൈദ്യുതി വകുപ്പ് മന്ത്രി ശ്രീ കെ കൃഷ്ണൻകുട്ടി ഇന്ന് (31.07.2025) സന്ദർശിച്ചു. കെഎസ്ഇബിയുടെ രണ്ടാംഘട്ട സമാശ്വാസ ധനസഹായമായ 5 ലക്ഷം രൂപയുടെ ചെക്ക് ശ്രീ കോവൂർ കുഞ്ഞുമോൻ എംഎൽഎയുടെ സാന്നിധ്യത്തിൽ മന്ത്രി മിഥുന്റെ മാതാപിതാക്കൾക്ക് കൈമാറി. ഇതിനു മുൻപ് ആദ്യഘട്ട ധനസഹായമായി 5 ലക്ഷം രൂപ നൽകുകയും ചെയ്തിരുന്നു.