കളിയിക്കാവിളയിൽ കാറിനുള്ളിൽ കഴുത്തറുത്ത നിലയിൽ യുവാവിന്റെ മൃതദേഹം. മലയൻകീഴ് സ്വദേശി ദീപുവാണു മരിച്ചതെന്നു പൊലീസ് പറഞ്ഞു. കാറിന്റെ ഡിക്കി തുറന്നു കിടക്കുകയായിരുന്നു. രാത്രി 11 .45 ന് രാത്രി പെട്രോളിങ്ങിനിടെ തമിഴ്നാട് പൊലീസാണ് മൃതദേഹം കണ്ടത്. കഴുത്ത് 70 ശതമാനവും അറുത്തനിലയിലാണ്. ഇയാൾക്കു തിരുവനന്തപുരം മലയത്ത് ക്രഷർ യൂണിറ്റുണ്ട്.പുതിയ ക്രഷർ തുടങ്ങുന്നതിനായി ജെസിബിയും മറ്റും വാങ്ങുന്നതിനു 10 ലക്ഷം രൂപയുമായി കോയമ്പത്തൂരിലേക്ക് പോയതാണെന്നാണു വീട്ടുകാരുടെ മൊഴി. മോഷണ ശ്രമത്തിനിടെയുള്ള കൊലപാതകമാവാം എന്നാണ് പൊലീസ് സംശയിക്കുന്നത്. ദീപുവിന്റെ മൃതദേഹം കുഴിത്തറ ജനറൽ ആശുപത്രിയിലേക്ക് മാറ്റി.
കോഴിക്കോട്ട് 13കാരിയുടെ മരണം അമീബിക് മസ്തിഷ്ക ജ്വരം ബാധിച്ചെന്ന് സ്ഥിരീകരണം
ചികിത്സയിലിരിക്കെ മരിച്ച കണ്ണൂര് സ്വദേശിയായ 13കാരിക്ക് അമീബിക് മസ്തിഷ്ക ജ്വരം ബാധിച്ചിരുന്നെന്ന് സ്ഥിരീകരണം. കണ്ണൂര് തോട്ടടയിലെ രാഗേഷ് ബാബുവിന്റെയും ധന്യയുടെയും മകള് ദക്ഷിണ (13) ആണ് ജൂണ് 12ന് മരിച്ചത്. പരിശോധനഫലം വന്നപ്പോഴാണ് കുട്ടിക്ക് അപൂര്വമായ അമീബിക് മസ്തിഷ്ക ജ്വരം ബാധിച്ചിരുന്നെന്ന് കണ്ടെത്തിയത്.തലവേദനയും ഛര്ദിയും കാരണമാണ് ദക്ഷിണ ചികിത്സ തേടിയത്. ആദ്യം കണ്ണൂര് ചാലയിലെ സ്വകാര്യ ആശുപത്രിയിലാണ് ചികിത്സിച്ചത്. ആരോഗ്യനില മോശമായതോടെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.
സിപിഎം കൊല്ലം ജില്ലാ കമ്മിറ്റിയിൽ മുഖ്യമന്ത്രിക്കും സർക്കാരിനും രൂക്ഷ വിമർശനം …
സിപിഎം കൊല്ലം ജില്ലാ കമ്മിറ്റിയില് മുഖ്യമന്ത്രിക്കും സര്ക്കാരിനും രൂക്ഷ വിമര്ശനം. മുഖ്യമന്ത്രി കൈകാര്യം ചെയ്യുന്ന ആഭ്യന്തരവകുപ്പ് സര്ക്കാരിന് നാണക്കേടുണ്ടാക്കി. പരിചയ സമ്പത്തില്ലാത്ത മന്ത്രിമാര് ഭാരമായിമാറി. മന്ത്രിസഭ ഉടന് പുനസംഘടിപ്പിക്കണം. സംസ്ഥാന നേതൃത്വം കണ്ണൂരിലെ നേതാക്കള്ക്ക് കീഴ്പ്പെട്ടു. തിരഞ്ഞെടുപ്പ് തോല്വിക്ക് പിന്നാലെയുള്ള മാര് കൂറിലോസിന്റെ വിമര്ശനത്തോട് മുഖ്യമന്ത്രി രൂക്ഷമായ ഭാഷ ഉപയോഗിച്ചു. സര്ക്കാരിന്റെ പ്രവര്ത്തനം വിലയിരുത്തുന്നതില് പാര്ട്ടി പരാജയപ്പെട്ടു.എല്ഡിഎഫ് കണ്വീനറുടെ പ്രതികരണങ്ങള് തിരിച്ചടിയായി. മുകേഷിന്റെ സ്ഥാനാര്ത്ഥിത്വത്തിന് എതിരെയും ജില്ലാ കമ്മറ്റിയില് വിമര്ശനം ഉയര്ന്നു. പിബി അംഗം എംഎം ബേബിയുടേയും കേന്ദ്ര കമ്മറ്റി അംഗം സിഎസ് സുജാതയുടേയും സാന്നിദ്ധ്യത്തിലായിരുന്നു ജില്ലാ കമ്മറ്റി യോഗം.