En24tv news RSS Feed En24tv http://en24tv.com കെഎസ്ആര്‍ടിസി പമ്പുകളില്‍ നിന്നും പൊതുജനങ്ങള്‍ക്കും ഇന്ധനം നിറയ്ക്കാം: യാത്രാ ഫ്യൂവല്‍സിന്റെ ഉദ്ഘാടനം 15 ന് ...

കെഎസ്‌ആർടിസി പമ്പുകളിൽനിന്ന്‌ പൊതുജനങ്ങൾക്കും ഇന്ധം നിറയ്‌ക്കാവുന്ന ‘കെഎസ്ആര്‍ടിസി യാത്രാ ഫ്യുസല്‍സി’ന്റെ സംസ്ഥാന തല ഉദ്ഘാടനം 15 ന് നടക്കും. കെഎസ്ആര്‍ടിസിയുടെ ടിക്കറ്റേതര വരുമാനം വര്‍ധിപ്പിക്കുന്നതിനായി  പൊതുമേഖല എണ്ണക്കമ്പനികളുമായി ചേര്‍ന്നാണ്‌ പദ്ധതി. പദ്ധതിയുടെ സംസ്‌ഥാന തല ഉദ്‌ഘാടനം  തിരുവനന്തപുരം  കിഴക്കേകോട്ടയില്‍ വൈകിട്ട് 5 ന്‌  ധനകാര്യ മന്ത്രി കെ എന്‍ ബാലഗോപാല്‍ നിർവ്വഹിക്കും.

സംസ്ഥാന സര്‍ക്കാരിന്റെ 100 ദിന കര്‍മ്മപരിപാടിയുടെ ഭാഗമായാണ് കെഎസ്ആര്‍ടിസി ഇന്ധന ഔട്ട്‌ലൈറ്റ് ആരംഭിക്കുന്നത്. സംസ്ഥാനത്തുടനീളം  75 ഇന്ധന ചില്ലറ വില്‍പ്പനശാലകള്‍ ആണ്‌ സ്ഥാപിക്കുക.ആദ്യഘട്ടത്തില്‍ 8 പമ്പുകളാണ് ആരംഭിക്കുന്നത്. ചടങ്ങിൽ ഗതാഗത  മന്ത്രി ആന്റണി രാജു അധ്യക്ഷനാകും.  വിദ്യാഭ്യാസ മന്ത്രി വി ശിവന്‍കുട്ടി ആദ്യ വില്‍പ്പന നിര്‍വ്വഹിക്കും. സിവില്‍ സപ്ലൈസ്  മന്ത്രി ജി ആര്‍ അനില്‍ ഔദ്യോഗിക ലോഗോ പ്രകാശനം ചെയ്യും.

കെഎസ്ആര്‍ടിസി കേന്ദ്ര പൊതുമേഖലാ എണ്ണ കമ്പനികളുമായി ചേർന്നുള്ള നൂതന സംരംഭമാണ്  ''കെഎസ്ആര്‍ടിസി യാത്രാ ഫ്യൂവല്‍സ്.'' തുടക്കത്തില്‍ പെട്രോളും ഡീസലും ആയിരിക്കും ഈ ഔട്ട്ലെറ്റുകളില്‍ വിതരണം ചെയ്യുന്നത്.   ക്രമേണ ഹരിത ഇന്ധനങ്ങളായ എല്‍എന്‍ജി, സിഎന്‍ജി, ഇലക്ട്രിക വാഹനങ്ങളുടെ ചാര്‍ജിംഗ് സെന്റര്‍ തുടങ്ങിയവയും, 5 കിലോയുള്ള എല്‍പിജി സിലിണ്ടറായ ചോട്ടു തുടങ്ങിയവരും ഇവിടെ നിന്നും ലഭിക്കും. 

 മറ്റ് ഏഴ് പമ്പുകള്‍ 16 ന് വൈകിട്ട് 5 ന്‌  കോഴിക്കോട് ടൂറിസം മന്ത്രി മുഹമ്മദ് റിയാസ്‌, ചേര്‍ത്തലയില്‍  കൃഷി മന്ത്രി പി. പ്രസാദ്‌ , 17 ന് ചടയമംഗലത്ത് വൈകിട്ട് അഞ്ചിന്‌  മന്ത്രി ജെ. ചിഞ്ചുറാണി,  18 ന് രാവിലെ 8.30 മണിക്ക് മൂന്നാറില്‍ മന്ത്രി റോഷി അഗസ്റ്റിന്‍,  രാവിലെ 9ന്‌  മൂവാറ്റുപുഴയില്‍ മന്ത്രി പി  രാജീവ്,  വൈകിട്ട് 4 ന്‌  ചാലക്കുടിയില്‍ മന്ത്രി ആര്‍. ബിന്ദു,  വൈകിട്ട് 5 ന്‌ കിളിമാനൂരില്‍ വിദ്യാഭ്യാസ മന്ത്രി വി. ശിവന്‍കുട്ടി എന്നിവർ  ഉദ്ഘാടനം ചെയ്യും.

ഉദ്ഘാടനത്തോടനുബന്ധിച്ച് ബൈക്ക് യാത്രക്കാര്‍ക്ക് എഞ്ചിന്‍ ഓയില്‍ വാങ്ങുമ്പോള്‍ ഓയില്‍ ചെയ്ഞ്ച് സൗജന്യമായിരിക്കും, 200 രൂപയ്ക്ക് മുകളില്‍ ഇന്ധനം നിറയ്ക്കുന്ന ഇരുചക്ര- മുച്ചക്ര വാഹന ഉടമകള്‍ക്കും, 500 രൂപയ്ക്ക് മുകളില്‍ ഇന്ധനം നിറയ്ക്കുന്ന നാല് ചക്ര വാഹന ഉടമകള്‍ക്കുമായി നടക്കുന്ന കാമ്പയിനിംഗില്‍ പങ്കെടുക്കാം. കാമ്പയിനിംഗില്‍ പങ്കെടുക്കുന്നവരില്‍ നിന്നും നറുക്കെടുപ്പിലൂടെ വിജയികളാകുന്നവര്‍ക്ക് കാര്‍, ബൈക്ക് തുടങ്ങിയവ സമ്മാനങ്ങളായി ലഭിക്കാനുള്ള അവസരവും ഉണ്ട്.

 

 

]]>
Tue, 14 Sep 2021 11:37:05 GMT http://en24tv.com/entertanment-news-online-news-1 http://en24tv.com/entertanment-news-online-news-1
ദുബയ് - അബുദബി ബസ് സര്‍വ്വീസ് പുനരാരംഭിച്ചു

കൊവിഡ് നിയന്ത്രണങ്ങളുടെ ഭാഗമായി നിര്‍ത്തിവച്ചിരുന്ന ദുബയ് - അബുദബി ബസ് സര്‍വ്വീസ് പുനരാരംഭിച്ചു. രണ്ട് എമിറേറ്റുകള്‍ക്കുമിടയിലെ സുപ്രധാന പൊതുഗതാഗത മാര്‍ഗമാണ് ഈ ബസ് സര്‍വീസ്. ദുബയ് ഇബ്‌നു ബത്തൂത്ത ബസ് സ്‌റ്റേഷനില്‍ നിന്നും അബുദബി സെന്‍ട്രന്‍ ബസ് സ്‌റ്റേഷന്‍ വരേയും തിരിച്ചുമാണ് യാത്ര. യാത്രക്കാര്‍ വാക്‌സിന്‍ എടുത്തിരിക്കണം. ഇവര്‍ക്ക് അല്‍ഹൊസ്ന്‍ ആപ്പില്‍ ഗ്രീന്‍ സ്റ്റാറ്റസ് ഉണ്ടായിരിക്കണം. ഇതോടൊപ്പം ഇ അല്ലെങ്കില്‍ സ്റ്റാര്‍ അടയാളവും വേണം. യാത്രക്കാര്‍ സാമൂഹിക അകലം, മാസ്‌ക് തുടങ്ങി എല്ലാ കൊവിഡ് സുരക്ഷാ മുന്‍കരുതലുകളും സ്വീകരിക്കണമെന്ന് ആര്‍ടിഎ അറിയിച്ചു.

]]>
Tue, 14 Sep 2021 10:47:09 GMT http://en24tv.com/entertanment-news-online-news http://en24tv.com/entertanment-news-online-news
കെടി ജലീല്‍ സിപിഎമ്മിന്റെയും ഇടതുപക്ഷത്തിന്റെയും നല്ല സഹയാത്രികന്‍; അത് തുടരുക തന്നെ ചെയ്യുമെന്നും മുഖ്യമന്ത്രി...

കെടി ജലീല്‍ സിപിഎമ്മിന്റെയും ഇടതുപക്ഷത്തിന്റെയും നല്ല സഹയാത്രികനായിട്ട് തന്നെയാണ് നിലനില്‍ക്കുന്നതെന്നും അത് തുടരുക തന്നെ ചെയ്യുമെന്നും മുഖ്യമന്ത്രി. ജലീലിനോടുള്ള വിയോജിപ്പ് നയപരമാണോ എന്ന മാധ്യമപ്രവര്‍ത്തകരുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി. വ്യാഖ്യാന തല്‍പരരായ ആള്‍ക്കാര്‍ക്ക് വ്യാഖ്യാനങ്ങള്‍ക്ക് അവസരമൊരുക്കിയെന്നത് ശരിയാണ്. അതിന്റെ ഭാഗമായി ജലീലിനെ സിപിഎം തള്ളിയിരിക്കുകയാണ് എന്ന പ്രചരണവും ചിലര്‍ സന്തോഷത്തോടെ നടത്തിയെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു.

മുഖ്യമന്ത്രി പറഞ്ഞത്...

സഹകരണ മേഖലയുമായി ബന്ധപ്പെട്ട് എന്തെങ്കിലും തെറ്റായ കാര്യങ്ങളുണ്ടായാല്‍ അത് പരിശോധിക്കാനും നടപടിയെടുക്കാനും ഇവിടെ സഹകരണ വകുപ്പുണ്ട്. ഇഡി വരേണ്ട കാര്യമില്ല. അതിനുള്ള സാഹചര്യം ഒരുക്കാന്‍ പാടില്ല. ഇതാണ് ഞാന്‍ പറഞ്ഞത്. പിന്നീട് ജലീല്‍ തന്നെ വ്യക്തമാക്കിയിട്ടുണ്ട്.-താന്‍ ഇഡി വരണമെന്ന് ഉദേശിച്ചിട്ടില്ല. ബാങ്കുമായി ബന്ധപ്പെട്ട് ഒരു കാര്യവും, പരാതിയായി ഇഡിക്ക് മുമ്പാകെ ഉന്നയിച്ചിട്ടില്ല. അതിനിവിടെ സഹകരണവകുപ്പുണ്ട്. അതില്‍ തര്‍ക്കമില്ല. ഉന്നയിച്ചത് ചന്ദ്രികയുമായി ബന്ധപ്പെട്ട കാര്യങ്ങളാണെന്നാണ്. ഇതെല്ലാം വ്യാഖ്യാന തല്‍പരരായ ആള്‍ക്കാര്‍ക്ക് വ്യാഖ്യാപനങ്ങള്‍ക്ക് അവസരമൊരുക്കി എന്നത് ശരിയാണ്. അതിന്റെ ഭാഗമായി ജലീലിനെ സിപിഎം തള്ളിയിരിക്കുകയാണ് എന്ന പ്രചരണവും ചിലര്‍ സന്തോഷത്തോടെ നടത്തി. ജലീല്‍ സിപിഎമ്മിന്റെയും ഇടതുപക്ഷത്തിന്റെയും നല്ല സഹയാത്രികനായിട്ട് തന്നെയാണ് നിലനില്‍ക്കുന്നത്. അത് തുടരുക തന്നെ ചെയ്യും. ഇക്കാര്യത്തില്‍ ഞങ്ങള്‍ക്ക് ഒരു സംശയവുമില്ല. സിപിഎമ്മിന് അതിന്റേതായ നിലപാടുണ്ട്. അതിലെ കാര്യങ്ങള്‍ കൃത്യമായി നടത്തി പോകുന്നുണ്ട്. അതിന്റെ ഭാഗമായ ജലീലും കാര്യങ്ങള്‍ നടത്തുന്നുണ്ട്.

]]>
Sat, 11 Sep 2021 10:26:44 GMT http://en24tv.com/en24-news-entertainment-news-10 http://en24tv.com/en24-news-entertainment-news-10
വിസ്മയ ആത്മഹത്യ ചെയ്തത് സ്ത്രീധന പീഡനം മൂലം; ആത്മഹത്യാവിരുദ്ധ ദിനത്തില്‍ കുറ്റപത്രം സമര്‍പ്പിച്ച് പോലിസ്...

ശാസ്താംകോട്ടയിലെ വിസ്മയയുടേത് സ്ത്രീധന പീഡനത്തെത്തുടര്‍ന്നുള്ള ആത്മഹത്യയെന്ന് പോലിസിന്റെ കുറ്റപത്രം. 500 പേജുള്ള കുറ്റപത്രമാണ് കോടതിയില്‍ സമര്‍പ്പിച്ചത്. കേസില്‍ 102 സാക്ഷികളും 92 രേഖകളും 56 തൊണ്ടി മുതലുകളും ഉണ്ട്. ഡിജിറ്റല്‍ തെളിവുകള്‍ നന്നായി വേര്‍തിരിച്ചെടുക്കാന്‍ കഴിഞ്ഞതായി ഡിവൈഎസ്പി പറഞ്ഞു. കേസിലെ പ്രതിയും വിസ്മയയുടെ ഭര്‍ത്താവുമായ കിരണ്‍ കുമാറിനെതിരെ ആത്മഹത്യാ പ്രേരണ അടക്കം ഒമ്പതു വകുപ്പുകള്‍ ചുമത്തിയിട്ടുണ്ട്. ആത്മഹത്യാവിരുദ്ധ ദിനത്തില്‍ തന്നെ കുറ്റപത്രം കൊടുക്കാന്‍ കഴിഞ്ഞതായും ഡിവൈഎസ്പി പറഞ്ഞു. കേസിലെ പ്രതിയും ഭര്‍ത്താവുമായ എസ് കിരണ്‍ കുമാറിന്റെ പോരുവഴി ശാസ്താംനടയിലെ വീട്ടില്‍ കഴിഞ്ഞ ജൂണ്‍ 21നു പുലര്‍ച്ചെയാണ് വിസ്മയയെ തൂങ്ങിമരിച്ച നിലയില്‍ കണ്ടെത്തിയത്. കിരണ്‍ കുമാറിന്റെ ജുഡീഷ്യല്‍ കസ്റ്റഡി ഈ മാസം 20ന് 90 ദിവസം പൂര്‍ത്തിയാകും. ഇതിനു മുമ്പായി കുറ്റപത്രം സമര്‍പ്പിക്കാനാണ് പോലിസ് ലക്ഷ്യമിട്ടിരുന്നത്. സ്ത്രീധന പീഡന മരണം, ഗാര്‍ഹിക പീഡനം തുടങ്ങിയ വകുപ്പുകളാണു അസി. മോട്ടര്‍ വെഹിക്കിള്‍ ഇന്‍സ്‌പെക്ടറായിരുന്ന കിരണ്‍ കുമാറിനെതിരെ ചുമത്തിയത്. കേസിനെ തുടര്‍ന്ന് കിരണ്‍കുമാറിനെ മോട്ടോര്‍ വാഹന വകുപ്പിലെ ജോലിയില്‍ നിന്നും സര്‍ക്കാര്‍ പിരിച്ചുവിട്ടിരുന്നു.

]]>
Fri, 10 Sep 2021 19:29:11 GMT http://en24tv.com/en24-news-entertainment-news-9 http://en24tv.com/en24-news-entertainment-news-9
കോളിളക്കം സൃഷ്ടിച്ച എല്‍ടിടിഇ കബീര്‍ വധക്കേസ് പ്രതി കരാട്ടെ ഫാറൂഖ് ഹൃദയാഘാതം മൂലം മരിച്ചു...

പ്രമാദമായ എല്‍ടിടിഇ കബീര്‍ വധക്കേസ് പ്രതി കരാട്ടെ ഫാറൂഖ്(52) പരോളിലായിരിക്കെ ഹൃദയാഘാതം മൂലം മരിച്ചു. തിരുവനന്തപുരം വള്ളക്കടവ് പ്രിയദര്‍ശിനി നഗറില്‍ അസൂറിന്റെ മകനാണ് ഫാറൂഖ്. ഇന്ന് രാവിലെയായിരുന്നു അന്ത്യം. തിരുവനന്തപുരം അട്ടക്കുളങ്ങര സബ് ജയിലിന് മുന്‍പില്‍ 1999 ജൂലൈ 17ന് നിരവധി ക്രിമിനല്‍ കേസുകളില്‍ പ്രതിയായിരുന്ന എല്‍ടിടിഇ കബീറിനെ ബോബെറിഞ്ഞ് കൊലപ്പെടുത്തിയ കേസിലെ പ്രതിയായിരുന്നു കരാട്ടെ ഫറൂഖ്. ഈ കേസില്‍ ജീവപര്യന്തം തടവ് ശിക്ഷ അനുഭവിച്ച് വരവേ ചികില്‍സയുമായി ബന്ധപ്പെട്ട് പരോളിലായിരുന്നു. എഎസ്‌ഐ കൃഷ്ണന്‍ കുട്ടിയെ വധിച്ച കേസില്‍ എല്‍ടിടിഇ കബീറിനെ ആറ്റിങ്ങല്‍ കോടതിയില്‍ ഹാജരാക്കിയ ശേഷം അട്ടക്കുളങ്ങര ജയിലിലേക്ക് ശക്തമായ പോലിസ് അകമ്പടിയോടെ വരവേയാണ് ബോംബേറുണ്ടായത്. തല തകര്‍ന്ന് കബീര്‍ അപ്പോള്‍ തന്നെ മരണപ്പെട്ടിരുന്നു. കോളിളക്കം സൃഷ്ടിച്ച ഈ കേസിലാണ് ഫാറൂഖിനെ കോടതി ശിക്ഷിച്ചത്. കേസില്‍ തിരുവനന്തപുരം സെഷന്‍സ് കോടതി ഫാറൂഖിനും കൂട്ടാളി സത്താറിനും തൂക്ക് കയര്‍ വിധിച്ചിരുന്നു. എന്നാല്‍, പിന്നീട് ശിക്ഷ ജീവപര്യന്തമായി ഇളവ് ചെയ്തു. വിയ്യൂര്‍ ജയിലേക്ക് മാറ്റിയ ശേഷം ഫറൂക്കിനെ അസുഖങ്ങള്‍ അലട്ടിതുടങ്ങി. തിരുവനന്തപുരം ജില്ലയില്‍ പ്രവേശിക്കരുതെന്ന നിബന്ധനയോടെ ജയില്‍ ഉപദേശക സമിതി ചികിത്സക്ക് പരോള്‍ നല്‍കി. കൊവിഡ് നിയന്ത്രണങ്ങളുടെ ഭഗാമായി കൂട്ടത്തോടെ തടവുകാര്‍ക്ക് പരോള്‍ നല്‍കിയപ്പോള്‍ ചികിത്സക്കായി വീട്ടിലേക്ക് പോകാന്‍ ഫറൂഖിന് അനുമതി ലഭിച്ചു. ജയിലിലായിരിക്കെ, തീപ്പെട്ടിക്കൊള്ളി കൊണ്ട് നിര്‍മ്മിച്ച ടാജ്മഹല്‍ ഏറെ ശ്രദ്ധിക്കപ്പെട്ടിരുന്നു. പിന്നീട് ഈ ടാജ്മഹല്‍ ഡിജിപി എംജിഎ രാമന് ഫാറൂഖ് സമ്മാനിച്ചിരുന്നു. ഈയിടെ പുറത്തിറങ്ങിയ മാലിക് സിനിമയില്‍, ജയിലിന് മുന്‍പിലെ ബോംബേറിന് സമാനമായ രംഗമുണ്ടായിരുന്നു. 1998 മെയ് 21ന് എഎസ്‌ഐ കൃഷ്ണന്‍ കുട്ടിയെ വധിച്ച കേസിലെ പ്രതിയായിരുന്നു ചാന്നാങ്കര സ്വദേശി എല്‍ടിടിഇ കബീര്‍. കൃഷ്ണന്‍ കുട്ടിയെ ചെമ്പഴന്തിയിലെ വീട്ടിലെത്തി വെട്ടിക്കൊല്ലുകയായിരുന്നു.

]]>
Fri, 10 Sep 2021 19:25:18 GMT http://en24tv.com/en24-news-entertainment-news-8 http://en24tv.com/en24-news-entertainment-news-8
ഇതര സംസ്ഥാന തൊഴിലാളിയെ കൊന്ന് കുഴിച്ചുമൂടി...

കണ്ണൂര്‍ ജില്ലയിലെ ഇരിക്കൂറില്‍ ഇതര സംസ്ഥാന തൊഴിലാളിയെ കൊന്ന് കുഴിച്ച് മൂടിയ നിലയില്‍ കണ്ടെത്തി. മൂര്‍ഷിദാബാദ് സ്വദേശി ആഷിഖുല്‍ ഇസ്‌ലാമാണ് കൊല്ലപ്പെട്ടതെന്നു പോലിസ് പറഞ്ഞു. സംഭവത്തില്‍ ആഷികുല്‍ ഇസ്‌ലാമിന്റെ സുഹൃത്തിനെ പോലിസ് അറസ്റ്റ് ചെയ്തു. കൊലപ്പെടുത്തിയ ശേഷം മൃതദേഹം നിര്‍മാണം നടന്നുകൊണ്ടിരിക്കുന്ന ക്വാര്‍ട്ടേഴ്‌സ് കെട്ടിടത്തില്‍ കുഴിച്ചുമൂടുകയായിരുന്നു. സംഭവം നടന്ന് രണ്ടു മാസത്തിന് ശേഷമാണ് പോലിസ് മൃതദേഹ അവശിഷ്ടം കണ്ടെടുത്തത്. ആഷികുല്‍ ഇസ്‌ലാമിന്റെ സുഹൃത്തും ബംഗാള്‍ സ്വദേശിയുമായ പരേഷ്‌നാഥ് മണ്ഡല്‍ ആണ് കൊലപാതകം നടത്തിയത്. ഇരിക്കൂര്‍ പെരുവളത്തുപറമ്പിലെ അന്‍സാര്‍ പള്ളിക്കു സമീപമാണ് സംഭവം. പോലിസ് അറസ്റ്റ് ചെയ്ത പ്രതിയെ ചോദ്യം ചെയ്തുവരികയാണ്.

]]>
Fri, 10 Sep 2021 19:18:16 GMT http://en24tv.com/en24-news-entertainment-news-7 http://en24tv.com/en24-news-entertainment-news-7
കേരളത്തില്‍ ഇന്ന് 25,010 പേര്‍ക്ക് കോവിഡ്-19 സ്ഥിരീകരിച്ചു...
കേരളത്തില്‍ ഇന്ന് 25,010 പേര്‍ക്ക് കോവിഡ്-19 സ്ഥിരീകരിച്ചു. തൃശൂര്‍ 3226, എറണാകുളം 3034, മലപ്പുറം 2606, കോഴിക്കോട് 2514, കൊല്ലം 2099, പാലക്കാട് 2020, തിരുവനന്തപുരം 1877, ആലപ്പുഴ 1645, കണ്ണൂര്‍ 1583, കോട്ടയം 1565, പത്തനംതിട്ട 849, ഇടുക്കി 826, വയനാട് 802, കാസര്‍ഗോഡ് 364 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 1,51,317 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 16.53 ആണ്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) ഏഴിന് മുകളിലുള്ള 794 തദ്ദേശ സ്വയംഭരണ പ്രദേശങ്ങളിലെ വാര്‍ഡുകളാണുള്ളത്. അതില്‍ 692 വാര്‍ഡുകള്‍ നഗര പ്രദേശങ്ങളിലും 3416 വാര്‍ഡുകള്‍ ഗ്രാമ പ്രദേശങ്ങളിലുമാണുള്ളത്.
സംസ്ഥാനത്തെ വിവിധ ജില്ലകളിലായി 6,21,039 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 5,88,784 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 32,255 പേര്‍ ആശുപത്രികളിലും നിരീക്ഷണത്തിലാണ്. 2412 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.
നിലവില്‍ 2,37,643 കോവിഡ് കേസുകളില്‍, 12.9 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.
കഴിഞ്ഞ ദിവസങ്ങളിലുണ്ടായ 177 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 22,303 ആയി.
ഇന്ന് രോഗം സ്ഥിരീകരിച്ചവരില്‍ 102 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 23,791 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 1012 പേരുടെ സമ്പര്‍ക്ക ഉറവിടം വ്യക്തമല്ല. 105 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 23,535 പേര്‍ രോഗമുക്തി നേടി. തിരുവനന്തപുരം 2385, കൊല്ലം 2284, പത്തനംതിട്ട 650, ആലപ്പുഴ 2035, കോട്ടയം 1451, ഇടുക്കി 544, എറണാകുളം 2722, തൃശൂര്‍ 2833, പാലക്കാട് 1815, മലപ്പുറം 2537, കോഴിക്കോട് 1909, വയനാട് 393, കണ്ണൂര്‍ 1520, കാസര്‍ഗോഡ് 457 എന്നിങ്ങനേയാണ് രോഗമുക്തിയായത്. ഇതോടെ 2,37,643 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 40,74,200 പേര്‍ ഇതുവരെ കോവിഡില്‍ നിന്നും മുക്തി നേടി.
കോവിഡ് 19 വിശകലന റിപ്പോര്‍ട്ട്
· കോവിഡി-19നെ ചെറുക്കുന്നതിനുള്ള പൊതുജനങ്ങളുടെ പ്രവര്‍ത്തനങ്ങള്‍ കോവിഡ് വാക്‌സിനേഷന്‍ കൂടി ആരംഭിച്ചതോടെ ശക്തിപ്പെട്ടു. വാക്‌സിനേഷന്‍ എത്രയും വേഗം പൂര്‍ത്തിയാക്കുന്നത് വഴി ആളുകളെ സംരക്ഷിക്കാന്‍ സാധിക്കും. കോവിഡ് വാക്‌സിനുകള്‍ ആളുകളെ അണുബാധയില്‍ നിന്നും ഗുരുതരമായ അസുഖത്തില്‍ നിന്നും സംരക്ഷിക്കുകയും ആശുപത്രി വാസത്തിന്റെയും മരണത്തിന്റെയും സാധ്യത ഗണ്യമായി കുറയ്ക്കുകയും ചെയ്യുന്നു.
· സെപ്റ്റംബര്‍ 10 വരെ വാക്‌സിനേഷന്‍ എടുക്കേണ്ട ജനസംഖ്യയുടെ 78 ശതമാനം പേര്‍ക്ക് ഒരു ഡോസ് വാക്‌സിനും (2,22,94,029), 30 ശതമാനം പേര്‍ക്ക് രണ്ട് ഡോസ് വാക്‌സിനും (86,55,858) നല്‍കി.
· ഇന്ത്യയില്‍ ഏറ്റവും കൂടുതല്‍ വാക്‌സിനേഷന്‍/ ദശലക്ഷം ഉള്ള സംസ്ഥാനം കേരളമാണ് (8,69,759)
· 45 വയസില്‍ കൂടുതല്‍ പ്രായമുള്ള 93 ശതമാനത്തിലധികം ആളുകള്‍ക്ക് ഒറ്റ ഡോസും 50 ശതമാനം പേര്‍ക്ക് രണ്ട് ഡോസും വാക്‌സിനേഷന്‍ സംസ്ഥാനം നല്‍കിയിട്ടുണ്ട്.
· ഈ വിവരങ്ങള്‍ സൂചിപ്പിക്കുന്നത് വാക്‌സിനേഷനോട് ആളുകള്‍ സഹകരിക്കുന്നു എന്നാണ്. കോവിഷീല്‍ഡ്/ കോവാക്‌സിന്‍ എന്നിവയുടെ രണ്ടാമത്തെ ഡോസ് കാലതാമസം കൂടാതെ എടുക്കാന്‍ അഭ്യര്‍ത്ഥിക്കുന്നു. രണ്ട് വാക്‌സിനുകളും ഫലപ്രദമാണ്.
· സെപ്റ്റംബര്‍ 3 മുതല്‍ 9 വരെ കാലയളവില്‍, ശരാശരി 2,42,278 കേസുകള്‍ ചികിത്സയിലുണ്ടായിരുന്നതില്‍ 2 ശതമാനം പേര്‍ക്ക് മാത്രമാണ് ഓക്‌സിജന്‍ കിടക്കകളും ഒരു ശതമാനം പേര്‍ക്ക് മാത്രമാണ് ഐസിയുവും ആവശ്യമായി വന്നത്. ഈ കാലയളവില്‍, കഴിഞ്ഞ ആഴ്ചയുമായി താരതമ്യം ചെയ്യുമ്പോള്‍ റിപ്പോര്‍ട്ട് ചെയ്യപ്പെടുന്ന പുതിയ കേസുകളില്‍ ഏകദേശം 20,000 കുറവ് ഉണ്ടായി. ടിപിആര്‍, പുതിയ കേസുകള്‍ എന്നിവയുടെ വളര്‍ച്ചാ നിരക്കില്‍ മുന്‍ ആഴ്ചയുമായി താരതമ്യപ്പെടുത്തുമ്പോള്‍ യഥാക്രമം 8 ശതമാനവും 10 ശതമാനവും കുറവുണ്ടായിട്ടുണ്ട്.
· ഏതൊരു രോഗ നിയന്ത്രണ പ്രോഗ്രാമിനും, സജീവമായ കേസ് കണ്ടെത്തല്‍ പ്രധാനമാണ്. സംസ്ഥാനം ഉചിതമായ അളവില്‍ പരിശോധനയും നടത്തുന്നു. എന്നിരുന്നാലും, ടെസ്റ്റ് പോസിറ്റിവിറ്റി നിരക്ക് സംബന്ധിച്ച് ഒരു ആശങ്കയുണ്ട്. ടെസ്റ്റ് പോസിറ്റിവിറ്റി നിരക്ക് അണുബാധയെ സൂചിപ്പിക്കുന്നു. അണുബാധ ഉണ്ടാകുന്നത് സംബന്ധിച്ച് എല്ലാവരും മനസിലാക്കേണ്ട രണ്ട് പ്രത്യേക വസ്തുതകളുണ്ട്. ആദ്യം ഒരു വ്യക്തിയില്‍ അണുബാധയുണ്ടാകുന്നു, അത് കാരണം തുടര്‍ന്ന് രോഗം പ്രകടമാകുന്നു. വാക്‌സിനേഷന് ശേഷമുള്ള കാലഘട്ടത്തില്‍ ലോകമെങ്ങും, പകര്‍ച്ചവ്യാധിയുടെ തീവ്രത തീരുമാനിക്കാന്‍ ഇത് പരിവര്‍ത്തന നിരക്കായി (കണ്‍വേര്‍ഷന്‍ റേറ്റ്) കണക്കാക്കുന്നു.
· നിലവില്‍ 2,37,643 കോവിഡ് കേസുകളില്‍, 12.9 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്. ഈ ശതമാനം ഏറെക്കുറെ സ്ഥിരമായി തുടരുന്നുമുണ്ട്. ഇത് സൂചിപ്പിക്കുന്നത് അണുബാധ ഉണ്ടാവുന്ന വ്യക്തികളില്‍ ഉചിതമായ പരിചരണവും പിന്തുണയും നല്‍കുന്നത് കൊണ്ട് രോഗത്തിലേക്കുള്ള മാറ്റം ആശങ്കാജനകമായ അളവില്‍ വര്‍ധിക്കുന്നില്ല എന്നാണ്. എന്നാല്‍ രോഗാതുരത ഉണ്ടെങ്കിലും ആശുപത്രിയില്‍ എത്തുന്ന ഭൂരിഭാഗം രോഗികളും, വൈകി എത്തുന്നവരായി ശ്രദ്ധയില്‍ പെട്ടിട്ടുണ്ട്. വൈകി ആശുപത്രിയില്‍ എത്തി മരണം സംഭവിച്ചവരില്‍, ഏറ്റവും അധികം കാണപ്പെട്ട അനുബന്ധ രോഗങ്ങള്‍ പ്രമേഹവും രക്താധിമര്‍ധവും ഒരുമിച്ചുണ്ടായതാണ്. ആയതിനാല്‍, കോവിഡ് അണുബാധ സ്ഥിരീകരിച്ച എല്ലാ ആളുകളെയും പ്രത്യേകിച്ച് അനുബന്ധ രോഗങ്ങള്‍ ഉണ്ടെങ്കില്‍ കൃത്യസമയത്ത് ആശുപത്രിയില്‍ പ്രവേശിപ്പിക്കേണ്ടതാണ് .
· പൊതു ജനങ്ങള്‍ എല്ലാവരും നിര്‍ദ്ദേശങ്ങള്‍ പാലിക്കുകയും വാക്‌സിന്‍ എടുക്കുകയും ചെയ്യുന്നതിനാല്‍ കണ്‍വേര്‍ഷന്‍ റേറ്റ് മാറ്റമില്ലാതെ തുടരുന്നു എന്നാണ് കണക്കുകള്‍ സൂചിപ്പിക്കുന്നത്. എന്നിരുന്നാലും, എല്ലാവരില്‍ നിന്നുമുള്ള പൂര്‍ണ സഹകരണത്തോടെ ഇത് കൂടുതല്‍ മെച്ചപ്പെടുത്താന്‍ കഴിയും. അതോടൊപ്പം കോമോര്‍ബിഡിറ്റികളുള്ള (അനുബന്ധ രോഗങ്ങള്‍) കോവിഡ് പോസിറ്റീവ് വ്യക്തി ആശുപത്രിയില്‍ എത്തുന്നത് വൈകിക്കരുത്, മാത്രമല്ല ട്രീറ്റ്‌മെന്റ് പ്രോട്ടോക്കോളുകള്‍ അനുസരിച്ച് ചികിത്സ എടുക്കുകയും ചെയ്യണം.
· ജൂണ്‍, ജൂലൈ, ആഗസ്റ്റ് മാസങ്ങളില്‍ കോവിഡ് ബാധിതരായ വ്യക്തികളില്‍ 6 ശതമാനം പേര്‍ കോവിഡ് വാക്‌സിന്റെ ഒരു ഡോസ് എടുക്കുകയും, 3.6 ശതമാനം കോവിഡ് വാക്‌സിന്റെ രണ്ട് ഡോസുകള്‍ എടുക്കുകയും ചെയ്തിരുന്നു. അണുബാധ തടയാന്‍ വാക്‌സിനേഷന് ശേഷമുള്ള രോഗപ്രതിരോധശേഷി ഫലപ്രദമാണെന്നും, എന്നാല്‍ വാക്‌സിനേഷന്‍ എടുത്ത ആളുകള്‍ക്ക് കുറഞ്ഞ അളവിലെങ്കിലും രോഗബാധ ഉണ്ടായേക്കാം എന്നുമാണ് ഇത് സൂചിപ്പിക്കുന്നത്. അതിനാല്‍ അനുബന്ധ രോഗങ്ങള്‍ ഉള്ളവര്‍ രോഗം വരാതിരിക്കാന്‍ വേണ്ട മുന്‍കരുതലുകള്‍ സ്വീകരിക്കേണ്ടതാണ്.
· വാക്‌സിനേഷന്‍ എടുത്തവരില്‍, രോഗലക്ഷണമുള്ളവര്‍ മാത്രം ഡോക്ടറെ സമീപിച്ചാല്‍ മതിയാകും. വാക്‌സിനേഷന്‍ എടുക്കാത്ത ആളുകള്‍, രോഗലക്ഷണമുണ്ടെങ്കില്‍, ആര്‍ടിപിസിആര്‍ പരിശോധന നടത്തേണ്ടതാണ്. ആന്റിജന്‍ പരിശോധന അടിയന്തിര ആവശ്യങ്ങള്‍ക്ക് മാത്രമാണ്. കോമോര്‍ബിഡിറ്റികളുള്ള വാക്‌സിനേഷന്‍ എടുക്കാത്ത ആളുകള്‍, ആര്‍ടിപിസിആര്‍ പരിശോധന ചെയ്യുകയും ഡോക്ടറെ സമീപിക്കേണ്ടതുമാണ്.
· കഴിഞ്ഞ 2 മാസങ്ങളില്‍ കോവിഡ് പോസിറ്റീവ് ആയ ആളുകള്‍ ആര്‍ടിപിസിആര്‍ പരിശോധന നടത്തേണ്ടതില്ല.
· ഗൃഹ നിരീക്ഷണത്തില്‍ തുടരുന്ന കോവിഡ് പോസിറ്റീവ് ആയ എല്ലാ യുവാക്കളും പ്രമേഹ പരിശോധന ചെയ്യേണ്ടതാണ്.
]]>
Fri, 10 Sep 2021 19:14:14 GMT http://en24tv.com/en24-news-entertainment-news-6 http://en24tv.com/en24-news-entertainment-news-6
സ്‌‌കൂള്‍ പാഠ്യപദ്ധതി പരിഷ്‌കരിക്കും; ലിംഗനീതി, സ്‌ത്രീധനം വിഷയങ്ങള്‍ ഉള്‍പ്പെടുത്തും: വിദ്യാഭ്യാസമന്ത്രി...

സ്‌കൂള്‍ പാഠ്യപദ്ധതി കാലാനുസൃതമായി പരിഷ്‌‌കരിക്കുമെന്ന് വിദ്യാഭ്യാസമന്ത്രി വി ശിവന്‍കുട്ടി. 2013നാണ് പാഠ്യപദ്ധതി അവസാനമായി പരിഷ്‌കരിച്ചത്. അതിനുശേഷം അറിവിന്റെ മേഖലയിലും സാങ്കേതിക- സാമൂഹ്യ രംഗത്ത് വന്നമാറ്റങ്ങളെ ചേര്‍ത്തുകൊണ്ടാകും പാഠ്യപദ്ധതി പരിഷ്‌കരിക്കുക. ലിംഗനീതി, ലിംഗസമത്വം, ലിംഗ അവബോധം, സ്‌ത്രീധനം ഉള്‍പ്പെടെയുള്ള വിഷയങ്ങള്‍ പാഠ്യപദ്ധതിയില്‍ ഉള്‍പ്പെടുത്തുമെന്നും മന്ത്രി വാര്‍ത്താസമ്മേളനത്തില്‍ അറിയിച്ചു. 

നിലവിലുള്ള പാഠപുസ്തകങ്ങളില്‍ ജെന്‍ഡര്‍ ഓഡിറ്റിംഗ് നടത്തുവാനും, പ്രശ്‌നങ്ങളുണ്ടെങ്കില്‍ പരിഹരിക്കാനും പരിഷ്‌കരണത്തിലൂടെ കഴിയുമെന്ന് മന്ത്രി വ്യക്തമാക്കി. കുട്ടികളുടെ കായികക്ഷമത വര്‍ധിപ്പിക്കുക എന്നതും മുന്‍ഗണയുള്ള കാര്യമാണ്. ചെറിയ പ്രായത്തില്‍ ഉണ്ടാകുന്ന രോഗങ്ങള്‍ പ്രതിരോധിക്കുന്നതിനുള്ള നടപടികളും അത്യാവശ്യമാണെന്നും മന്ത്രി ശിവന്‍കുട്ടി പറഞ്ഞു.

 

]]>
Fri, 10 Sep 2021 19:06:28 GMT http://en24tv.com/en24-news-entertainment-news-5 http://en24tv.com/en24-news-entertainment-news-5
അനുകൂല സാഹചര്യം വന്നാല്‍ സ്‌കൂള്‍ തുറക്കാം; അധ്യാപകരുടെ വാക്‌സിനേഷന്‍ പുരോഗമിക്കുന്നു: മന്ത്രി ശിവന്‍കുട്ടി...

അനുകൂല സാഹചര്യം വന്നാല്‍ സ്‌കൂളുകള്‍ തുറക്കുന്നതിന് മുന്‍ഗണന നല്‍കുമെന്ന് വിദ്യാഭ്യാസമന്ത്രി വി ശിവന്‍കുട്ടി അതിന്റെ ഭാഗമായി അധ്യാപക നിയമനങ്ങള്‍ പൂര്‍ത്തിയാക്കി. അധ്യാപകര്‍ക്ക് വാക്‌സിന്‍ നല്‍കുന്നതില്‍ മുന്‍ഗണന നല്‍കി വരികയാണെന്നും മന്ത്രി വാര്‍ത്താസമ്മേളനത്തില്‍ അറിയിച്ചു.

കഴിഞ്ഞ 16 മാസക്കാലത്തിലേറെയായി കുട്ടികള്‍ വീടുകളിലാണ്. അത് അവര്‍ക്ക് ശീലമില്ലാത്ത കാര്യമാണ്. സംഘം ചേര്‍ന്ന് കളിയ്ക്കുമ്പോഴും ഇടപഴകുമ്പോഴുമാണ് വൈകാരികവും സാമൂഹികവുമായ വളര്‍ച്ചയും വികാസവും ഉണ്ടാകുന്നത്. വീടുകളില്‍ ദീര്‍ഘകാലം കഴിഞ്ഞുകൂടേണ്ടിവന്ന കുട്ടികളുടെ ജീവിത രീതിയും ശീലങ്ങളും വലിയ തോതില്‍ മാറിയിട്ടുണ്ടാകും. സ്‌കൂള്‍ തുറന്നുകഴിഞ്ഞാല്‍ കുട്ടികള്‍ക്ക് വൈകാരികവും സാമൂഹികവുമായ പിന്തുണ ഉറപ്പാക്കുന്ന പ്രവര്‍ത്തനങ്ങള്‍ നടപ്പാക്കുമെന്നും മന്ത്രി പറഞ്ഞു.

മുഴുവന്‍ കുട്ടികളേയും തിരിച്ച് സ്‌കൂളിലെത്തിക്കുക എന്ന വെല്ലുവിളി തദ്ദേശ സ്വയം ഭരണ സ്ഥാപനങ്ങളടക്കം നേതൃത്വത്തില്‍ ജനകീയ സഹകരണത്തോടെ ഏറ്റെടുക്കും. കുട്ടികള്‍ക്ക് സാധാരണ ക്ലാസ്സുകള്‍ ഇല്ലാത്തിനാല്‍ ഉണ്ടാകാനിടയുള്ള പഠന വിടവ് പരിഹരിക്കുന്നതിനാവശ്യമായ പിന്തുണ വിദ്യാഭ്യാസ വകുപ്പിലെ ഏജന്‍സികളുടെ കൂട്ടായ്മയില്‍ നല്‍കും. ഇതിനാവശ്യമായ പ്രവര്‍ത്തനങ്ങള്‍ ആസൂത്രണം ചെയ്തുവരികയാണെന്നും മന്ത്രി ശിവന്‍കുട്ടി പറഞ്ഞു.

]]>
Fri, 10 Sep 2021 19:03:17 GMT http://en24tv.com/en24-news-entertainment-news-4 http://en24tv.com/en24-news-entertainment-news-4
362 കോടിയുടെ വികസനം; ഒരേസമയം ഉദ്‌ഘാടനം ചെയ്യുന്നത്‌ 92 സ്‌കൂള്‍ കെട്ടിടം, 48 ഹയര്‍സെക്കൻഡറി ലാബ്‌, 3 ഹയര്‍സെക്കൻഡറി ലൈബ്രറികള്‍...

എൽഡിഎഫ് സര്‍ക്കാരിന്റെ നൂറുദിന കര്‍മ്മപദ്ധതിയുടെ ഭാഗമായി 14 ന് 3.30 ന് 92 സ്‌കൂള്‍ കെട്ടിടങ്ങള്‍, 48 ഹയര്‍സെക്കൻഡറി ലാബുകള്‍, 3 ഹയര്‍സെക്കൻഡറി ലൈബ്രറികള്‍ എന്നിവയുടെ ഉദ്ഘാടനവും 107 പുതിയ സ്‌കൂള്‍ കെട്ടിടങ്ങളുടെ തറക്കല്ലിടലും മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വ്വഹിക്കും. ആകെ 250 കേന്ദ്രങ്ങളിലാണ് ചടങ്ങുകള്‍ നടക്കുന്നത്.

92 സ്‌കൂള്‍ കെട്ടിടങ്ങളില്‍ കിഫ്ബിയുടെ 5 കോടി ധനസഹായത്തോടെയുള്ള 11 സ്‌കൂള്‍ കെട്ടിടങ്ങള്‍, 3 കോടി ധനസഹായത്തോടെയുള്ള 23 സ്‌കൂള്‍ കെട്ടിടങ്ങള്‍, പ്ലാന്‍ ഫണ്ട്, സമഗ്രശിക്ഷ കേരളം ഫണ്ട്, നബാര്‍ഡ് ഫണ്ട്, എംഎല്‍എഫണ്ട് എന്നിവ ഉപയോഗിച്ച് 58  സ്‌കൂള്‍ കെട്ടിടങ്ങള്‍ എന്നിവ ഉള്‍പ്പെടും.

തറക്കല്ലിടുന്ന സ്‌കൂള്‍ കെട്ടിടങ്ങളില്‍ 84 എണ്ണം കിഫ്ബിയുടെ ഒരു കോടി ധനസഹായത്തോടെ കില എസ്‌പിവിയായി നിര്‍മ്മാണം നടത്തുന്ന സ്‌കൂള്‍ കെട്ടിടങ്ങളാണ്. ബാക്കി 23 എണ്ണം പ്ലാന്‍ ഫണ്ട് വിനിയോഗിച്ചുമാണ്. ഉദ്ഘാടനം ചെയ്യുന്ന ഹയര്‍സെക്കൻഡറി ലാബും, ലൈബ്രറിയും പ്ലാന്‍ ഫണ്ട് ഉപയോഗിച്ച് നിര്‍മ്മാണം പൂര്‍ത്തിയാക്കിയവയാണ്. ശിലാസ്ഥാപനം നടത്തുന്ന കെട്ടിടങ്ങള്‍ക്ക് 124 കോടി രൂപയും ചെലവ് പ്രതീക്ഷിക്കുന്നു.

മുഖ്യമന്ത്രിയുള്‍പ്പെടെ 18 മന്ത്രിമാര്‍, പ്രതിപക്ഷ നേതാവ്, ചീഫ് വിപ്പ് എന്നിവരെക്കൂടാതെ 93 എംഎല്‍എമാരും  ചടങ്ങിന്റെ ഭാഗമാകും. ചീഫ് സെക്രട്ടറി ഡോ. വി പി ജോയ് സ്വാഗതവും പൊതുവിദ്യാഭ്യാസ പ്രിന്‍സിപ്പല്‍ സെക്രട്ടറി എ പി എം മുഹമ്മദ് ഹനീഷ് നന്ദിയും ആശംസിക്കും.

നവകേരളം കര്‍മ്മപദ്ധതി കോ-ഓര്‍ഡിനേറ്റര്‍ ഡോ. ടി എന്‍ സീമ, പൊതുവിദ്യാഭ്യാസ ഡയറക്‌ടറും പൊതുവിദ്യാഭ്യാസ സംരക്ഷണ യജ്ഞം സിഇഒയുമായ ജീവന്‍ ബാബുകെ, എസ്‌സിഇആര്‍ടി ഡ‍യറക്‌ട‌‌ര്‍ ഡോ. ജെ പ്രസാദ്, കില ഡയറക്‌ടര്‍ ജനറല്‍ ഡോ. ജോയ് ഇളമണ്‍, കൈറ്റ് സിഇഒ അന്‍വര്‍ സാദത്ത്, സമഗ്രശിക്ഷ സ്റ്റേറ്റ് പ്രോജക്‌ട് ഡയറക്‌ടര്‍ ഡോ. എ പി കുട്ടികൃഷ്‌ണന്‍ എസ്ഐഇടി ഡയറക്‌ട‌ര്‍ അബുരാജ്, സീമാറ്റ് ഡയറക്‌ടര്‍ ഡോ. എം എ ലാല്‍ എന്നിവര്‍ പങ്കെടുക്കും.

 

]]>
Fri, 10 Sep 2021 19:01:37 GMT http://en24tv.com/en24-news-entertainment-news-3 http://en24tv.com/en24-news-entertainment-news-3