All Categories

Uploaded at 2 months ago | Date: 05/12/2019 10:43:50

ന്യൂഡൽഹി
അഞ്ചുവർഷമായി ഗുജറാത്തിൽ  എല്ലാ ദിവസവും  ഒരു സ്ത്രീയെങ്കിലും  ബാലാത്സംഗത്തിന് ഇരയാകുന്നു. വർഷം ശരാശരി 1200 സ്ത്രീകള്‍ പീഡിപ്പിക്കപ്പെടുന്നു. 2014 മുതൽ ഈ വർഷം സെപ്‌തംബർ വരെയുള്ളത് 2775 ബലാത്സംഗ കേസ്. സ്‌ത്രീസുരക്ഷയിൽ ഒന്നാമതെന്ന്‌ അവകാശപ്പെടുന്ന ​ഗുജറാത്തിലെ നിജസ്ഥിതി സംസ്ഥാന ക്രൈം റെക്കോഡ്‌സ്‌ ബ്യൂറോ (എസ്‌സിആർബി)യുടെ റിപ്പോര്‍ട്ടിലൂടെയാണ് പുറത്തുവന്നത്.

കഴിഞ്ഞ വർഷം ബലാത്സം​ഗത്തിന്‌ ഇരയായത്‌  572 പേര്‍. ആറുവർഷത്തിനിടെ ഏറ്റവുമുയർന്ന നിരക്കാണിത്‌.  ഈ വർഷം ജനുവരിമുതൽ സെപ്‌തംബർ അവസാനംവരെ 400 ബലാത്സംഗ കേസ്‌  റിപ്പോര്‍ട്ട് ചെയ്തു. അഹമ്മദാബാദിലാണ്‌ ഏറ്റവും കൂടുതൽ കേസുകൾ. 2015നും 2019 സെപ്‌തംബറിനുമിടയിൽ 291 കേസ്‌.  214 കേസുമായി സൂറത്ത് രണ്ടാംസ്ഥാനത്ത്.

സ്‌ത്രീകളെയും കുട്ടികളെയും തട്ടിക്കൊണ്ടുപോകുന്ന കേസുകളിലും ഗുജറാത്ത്‌ മുന്നിലാണ്‌. സംസ്ഥാനത്തെ 63 ശതമാനം പെൺകുട്ടികളും 36 ശതമാനം ആൺകുട്ടികളും ലൈംഗികാതിക്രമത്തിന് ഇരയാകുന്നതായി 2014ൽ സർക്കാരിതര സംഘടന–-സേവ്‌ ദി ചിൽഡ്രൺ–- വെളിപ്പെടുത്തിയിരുന്നു.

ബാലവേലയിലും ഗുജറാത്ത്‌ മുന്നിലാണ്. ഇന്ത്യയിലാകെയുള്ള 2.8 കോടി കുട്ടിത്തൊഴിലാളികളിൽ 32 ശതമാനവും ഗുജറാത്തിലാണെന്നും പഠനം വ്യക്തമാക്കുന്നു.

 

NATIONAL NEWS

SHARE THIS ARTICLE

advertisment .....

 

copyrights © 2019 en24 tv   All rights reserved.